1 Timoti 1:17 - Amazwi Yakwe Leza 2013

¹⁷ Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 1:17 Referans Kwoze

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Umbwilo 17:14

Yalalwisya Mwana wa Mfwele. Lelo Mwana wa Mfwele alayacimvya, pano ali Mwene wakwe yamwene, kateeka wakwe yakateeka. Nupya antu yakwe aamwa, asololwe na a utailo yalacimvya pamwi nawe.”

Kolose 1:15

Klistu unkolanya wakwe Leza wino atangaloleka. Wene ali yeli lyakwe nupya alusile viumbwa vyonsi.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Umbwilo 19:6

Lyene nuvwile izwi lino lyuvwikike kwati iumba likulu, nupya kwati kupooma kwa cipoma nu kupangalansya kukulu. Nuvwile yakuti, “Aleluya! Pano Mwene Leza witu uwa maka, ali Kateeka!

1 Yoane 4:12

Kusi umwi uwalola Leza. Lelo ndi twatemwana ale Leza wikala munotuli, nga nu kutemwa kwakwe kwaya ukufumaluke munotuli.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Masamu 10:16

Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Umbwilo 7:12

“Ameni! Kulumbanyiziwa, lulumbi, mano, kutaizya, mucinzi, maka nu ulamba vyonsi ivyakwe Leza witu manda pe! Ameni!”

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

1 Petulo 5:11

Leza aye na maka manda pe. Ameni.

Ayebulai 11:27

Utailo uwalenzile kuti Mose afume mu Eguputo kwaula koopa ukali wakwe kateeka. Wene wakanyile kuswilila pano cali kwati waweni Leza wino asyaloleka.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 2:7

Antu aya nu mute wakucita visuma, ayano Leza alapeela umi wape umwaya lulumbi nu mucinzi.

Loma 1:20

Pano kufuma lino Leza waumvile insi maka ya u Leza wakwe nanti yatangaloleka ningo mu manso itu, lelo yakaloleka mu vintu vino wacita. Caleka antu yatange yalole pa kukanila.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Mika 5:2

Yawe akuti, “Lelo we Betelemu waku Efulata, nanti angala wewe munono mu misumba yakwe Yuda, lelo munuli ndafumya umuntu wino alateeka aina Izlaeli. Intuntuko yakwe wiyo iya mpiti mpiti, kutandikila sile uku katalili.”

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 106:48

Lumbanyini Yawe, Leza wa ina Izlaeli. Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene!” Lumbanyini Yawe.

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Masamu 57:11

We Leza, ilange kuko kuno waya ukwiyulu. Leka nu ucindami wako uloleke pano nsi ponsi.

Masamu 45:1

Nemo ninkwata amazwi yamwi asuma, a lwimbo luno natinsika ulwa kulumbanya kateeka. Izwi lyane limatololokanga kwati akalembelo kakwe kalemba uwi lembo ilisuma.

Masamu 41:13

Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!

Yoane 5:44

Uzye mungantaila uli, mwe muno mukacindikana mweisikulu, lelo mucinzi uno wafuma kuli Leza wenga, musyakuulonda?

Loma 2:10

Lelo Leza alapeela lulumbi nu mucinzi ku antu yonsi akacita visuma, nga nu kuyapela mutende, inkolelo ku Ayuda alino nu ku Akulukuwa kwene.

Ayebulai 2:7

Wene mwamucefizye insita inono pa angeli. Mwamupeela lulumbi nu mucinzi wa Wene,