1 Timoti 1:16 - Amazwi Yakwe Leza 2013

¹⁶ Lelo Leza wali na mizu kunondi pakuti Klistu Yesu alange kuteeka mwenzo kunondi ne kaifya uwaluta onsi, nupya ciye icilangililo kuli yao onsi, yano alataila munoli nu kupokelela umi wape.

1 Timoti 1:16 Referans Kwoze

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Luka 7:47

Caleka nakunena vino kutemwa kuno wene wantemwisya kukulanga vino Leza wamwelela maifyo yakwe aingi. Lelo wino wensi uwelelwa maifyo yanono, akatemwa panono.”

2 Petulo 3:15

Mutailila ukuti Leza wateka mwenzo pano wene akalonda kuti antu yatuulwe. Cikwene acino Paulo, cuza witu mukundwe wavwanzile lino wamulembile kulingana na mano yano Leza wamupile.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

Masamu 25:11

Pamulandu wa kucindamika izina lyako, We Yawe, unjelele amaifyo yane, pano yene yavulisya.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Milimo 13:39

Mulinzile kumanya vino wensi uwataila munoli wene alaya uwakaele kufuma ku maifyo yonsi yano masunde yakwe Mose yatange yamukulule.

Yoane 6:54

Wino wensi akulya mwili wane nu kumwa wazi wane wene ali nu umi wape, nga nani ndaleka azyukuke aye nu umi pa wanda wampelelekezyo.

Yoane 6:40

Pano kulonda kwakwe Tata kwakuti wensi uwalola Mwana nu kumutaila, wene alaya nu umi wape, nga nani ndaleka azyukuke pa wanda wampelelekezyo.”

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

2 Tesalonika 1:10

Cii cilacitika pa wanda ulya lino Mwene aliza kuti apelwe lulumbi ku antu yakwe yonsi nga nu mucinzi kufuma kuli yonsi ataila. Namwe kwene mulapendelwako, pano mwataile vino twamunenyile.

Efeso 1:12

Wene wacisile cii, pakuti swe muno twali ankolelo kupaalila muli Klistu tulumbanye lulumbi lwakwe.

Efeso 1:6

Lekini tulumbanye Leza pa cikuku cakwe ca lulumbi, na pa wila uno watupeela mu Mwana wakwe mukundwe!

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Luka 23:43

Yesu nawe amunena ati, “Nakunena vino ilelo kwene umaya nani mu Paladaise.”

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

Mpendwa 23:3

Lyene Balamu anena Balaki ati, “Imilila pipi ni mpolelwa zyako zyakoca, lino nemo inkufuma penepo kuti nkalole ndi Yawe angaleka inkomenkane na aliwe. Nga caya vivyo ndiza nkunene vyonsi vino amansokolwela.” Alino Balamu atandika nu kupita alungama na pa mwamba papela, pano patamelanga icintu nanti cimwi.

Kufuma 34:8

Zuwazuwa Mose afukama pansi afupime nga apepa.

1 Kolinto 7:25

Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.