1 Timoti 1:14 - Amazwi Yakwe Leza 2013

¹⁴ Mwene witu wanguvwilile luse cuze. Nu luse kwene luu lusanda cuze nu kundetela utailo nu kutemwa muli Klistu.

1 Timoti 1:14 Referans Kwoze

2 Timoti 1:13

Komeleka umu kuyela usambilizyo wa cumi uno nakupile, uye icilangililo kunuli kuti avino wasambilizya. Twalilila mu utailo nu kutemwa kwakwe Klistu Yesu.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

Loma 16:20

Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Kufuma 34:6

Apita ku nkolelo yakwe Mose nga apunda ati, “Nene Yawe, Yawe, Leza wa luse na mizu, asisoka zuwa, uwazula nu kutemwa kwa manda pe, uwatailwa na antu yakwe.

Umbwilo 22:21

Cikuku ca Mwene Yesu ciye namwe mwensi.

1 Tesalonika 5:8

Lelo swemo sweswe antu amu luswepo, nupya tutalinzile kukoleka. Tulinzile kukwata utailo nu kutemwa kuno kukoline wa cela ca kucingilila cisao. Alino upaalilo witu uwa kutuulwa nao ulinzile kukolana wa cimpompo.

Milimo 15:11

Awe! Twataila nga nu kutuulwa kupitila mu cikuku ca Mwene Yesu, ndi vino yene yakutuulwa.”

1 Kolinto 3:10

Leza wampile uwila wakuya nkonkotela yamakule, nga nani naomvizye uwila uu pa kwimba mufula, uno umuntu muze akukuulapo. Lelo cila muntu alinzile atekele musango uno akukuulilamo.

2 Kolinto 4:15

Vii vyonsi vyacisilwe pamulandu winu, pakuti vino cikuku cikufika ku antu aingi vivyo kwene cikungilizya ntaizyo ku lulumbi lwakwe Leza.

Galatiya 1:13

Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

1 Timoti 2:15

Lelo mwanaci wene alatuulwa kupitila mu kuvyala ana, cikulu atwalilile kuya uwakutailwa, akatemwa auze, uwamuzilo, nupya wino waicefya.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

Tito 2:2

Wakonkomezya aikolo ukuti yalinzile kutekela mu melenganyo. Yene yalinzile kuya a mpomvu mu utailo, mu kutemwa nga nu mu kuposya kwao.

Mateo 20:9

Lyene lino yao alemvilwe pa 5 koloko iiza, apeela kuli cila wenga malipilo ya wanda onga.