1 Samueli 6:21 - Amazwi Yakwe Leza 2013

²¹ Lyene iyatuma inkombe ku ina Kilyati Yealimu, iyati, “Aina Filisti yatiyawezya Mbokosi ya Upangano yakwe Yawe. Acino tentemukilini kuno mwize muisende ku mwinu kuko.”

1 Samueli 6:21 Referans Kwoze

Yoswa 18:14

Alino umupaka iufumila ku mwamba uno walozyanya amanso na Beti Holoni, iupetukila ku kaeya ukufuma lwaku uwondaka wa mwamba uu nga iulungama ku Kilyati Baali (nanti Kilyati Yealimu), umusumba wa amu mutundu wakwe Yuda. Uu, uwali umupaka waku uwondaka.

Yoswa 9:17

Acino aina Izlaeli iyatenuka nga pa wanda uwalenga yatatu iyafika ku misumba yao kuno yakaikala. Ni misumba iyo aei: Gibyoni, Kefila, Beeloti na Kilyati Yealimu.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Yelemiya 7:12

Pitini muye ku ncende imwi yaku Syilo, umusumba uno pakutandika wamanyikwe pamulandu wi zina lyane. Mumaya mukalole vino nacisile ku antu yane aina Izlaeli apamulandu wa uyi wao.

Masamu 78:60

Ali pakusya ni cifulo cakwe ica ku Syilo, papo pano wikalanga ala ali apakasi ka antu.

Yakapingula 18:12

Iyatumbela iyaya yakuula insakwe pipi nu ku Kilyati Yealimu mu mpanga yakwe Yuda. Uli mulandu uno incende iyaya lwaku uwondaka wa Kilyati Yealimu ni lelo kwene ikaamwa ukuti Maane Dani.

Yoswa 15:60

Na Kilyati Baali (kuli kuti, Kilyati Yealimu) na Laba. Yonsi pamwi yali imisumba iili ni mizi yakweyo.

Yoswa 15:9

Alino ukufuma papela ya mulundu ulya umupaka iuya ku tufukoka twakwe Nefutoa, nga iufumila ku misumba ya Mwamba wa Efuloni nga iutentemukila ku Baala (kuli kuti, Kilyati Yealimu).

Yelemiya 26:20

Akuno wali umuntu namuze wino wasemanga mwi zina lyakwe Yawe, a Uliya umwana wakwe Syemaya uwaku Kilyati Yealimu. Wene wasemile apa musumba kwene uu na pa mpanga kwene ii amazwi ali yamwi kwene ndi yano Yelemiya watasema umwi lelo.

2 Samueli 6:2

Wene pamwi na antu yakwe yonsi iyatenuka ukufuma ku Baali waku Yuda ku kusenda Mbokosi ya Upangano yakwe Leza, ino ikaamilwa ukwi zina lyakwe Yawe Wamaka yonsi, wino ali apakasi kakwe yakelubi yano ali pa Mbokosi kwene iyo.