1 Samueli 6:19 - Amazwi Yakwe Leza 2013

¹⁹ Yawe wakomile aonsi yamwi aina Beti Syemesyi amakumi cinimbali, pamulandu wakuti yene yasungamile mu Mbokosi ya Upangano yakwe Yawe. Fwandi antu pali pakulosya pamulandu wakuti Yawe wakomile antu aingi sana munoyali.

1 Samueli 6:19 Referans Kwoze

Mpendwa 4:20

Lelo aluko lwakwe Koati yatakezye ukwingila mwenemo kuti yalolekesye pa vintu vyamuzilo nanti panono. Ndi yacita vivyo yalailetelela yafwe.”

Kufuma 19:21

Lyene Yawe amunena ati, “Iika pansi nga usoke antu kuti yataciluka nande ku kwizalola ne Yawe, pano lyene aingi yangafwa.

2 Samueli 6:7

Lilyo kwene Yawe asokela Uza pamulandu wakuti wene atapiile umucinzi kunoli. Icaleka amukoma, nga Uza afwa papa kwene umu mbali ya Mbokosi ya Upangano yakwe Leza.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Kolose 2:18

Mutaleka umuntu umwi amucilime ku cilambu. Wene akaitakola pamulandu wakulola vilolwa mu viloto nu kuilanga ukuti umufuke lino akupepa angeli. Antu amusango uu yakailumba pa kwelenganya kwa untunze.

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

Malango 29:29

“Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”

Kufuma 33:4

Lino antu yuvwa amazwi yano Yawe wavwanga iyatandika kulosya nupya patali nanti umuntu wenga uwazwite vyakuzwala visuma.

Mpendwa 1:51

Ndi kwaya ukukusya Itaalu, aina Levi angalisambulula aliyo kwene. Nanti kwaya ukulisimpa, aina Levi sile ali nu kucita cico. Muntu muze sile ndi camukumba wapalama kweneko, wene alinzile akomwe.

Mpendwa 4:18

“Mutakaleke uluko lwakwe Koati lukapaatuluke ku ina Levi.

2 Milandu 25:21

Acino Yeoasyi umwene wa ina Izlaeli aya ku kulwa inkondo na Amaziya umwene waku Yuda ku Beti Syemesyi.