1 Samueli 4:4 - Amazwi Yakwe Leza 2013

⁴ Acino antu iyatuma aonsi yamwi ku Syilo, nga nayo iyawezya Mbokosi ya Upangano wakwe Yawe Wamaka yonsi, wino icilimba cakwe ica wene caya pakasi kakwe yakelubi. Ana yakwe Eli yaili. Hofini na Pineasi, yali kuku pamwi ni Mbokosi ya Upangano ilya.

1 Samueli 4:4 Referans Kwoze

2 Samueli 6:2

Wene pamwi na antu yakwe yonsi iyatenuka ukufuma ku Baali waku Yuda ku kusenda Mbokosi ya Upangano yakwe Leza, ino ikaamilwa ukwi zina lyakwe Yawe Wamaka yonsi, wino ali apakasi kakwe yakelubi yano ali pa Mbokosi kwene iyo.

Masamu 80:1

Uvwa kuno wemuno ukacema aina Izlaeli, we muno ukatungulula antu yako wa ufyo wa mfwele. Wemuno wikala apapela yakwe ya kelubi.

Mpendwa 7:89

Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.

Masamu 99:1

Yawe aliwe akuteeka, imitundu ya antu ikuizakazila sile, wene wikala papela yakwe ya kelubi, si lekini insi yatenta.

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

Malaki 1:9

Lyene mwe yasimapepo ezyini kupapata kuli Leza kuti aye nu luse kunotuli. Lino mukupeela amawila yamusango uo, uzye anguvwa uli amapepo inu? Acino Yawe Wamaka yonsi wavwanga wati,

1 Samueli 2:22

Lyene Eli, mu ukote wakwe, atwalilila ukuuvwa vyonsi vino ana yakwe aonsi yacitanga ku ina Izlaeli na vino yacitanga uzelele na anaci yano yatumikilanga pa mpongolo yi Taalu lya Ukongano.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Mpendwa 4:5

Lino insita ya kusamya insakwe yafika, Aaloni na ana yakwe yalinzile kwingila mukasi ki Taalu lya Ukongano nu kusamula insalu ya kucinga Mbokosi ya Upangano nga yavimbe mbokosi kwene iyo.

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.

2 Samueli 15:24

Simapepo Zadoki pali pamwi na ina Levi akuno yali, ale yakusenda ni Mbokosi ya Upangano yakwe Leza. Iyika Mbokosi ya Upangano yakwe Leza pipi na simapepo Abyata suka antu yonsi iyafuma mu musumba iyapita.

Ezaya 37:16

“We Yawe Wamaka yonsi, we Leza wakwe Izlaeli, wemuno wikala pali yakelubi, awewe sile wenga mpo wewe wateeka uwene wa pano nsi. Awewe waumvile iyulu ni nsi.

1 Samueli 14:3

Pali yakwene apali Aiya, uwazwite cakuzwala ca efodi. Wene wali umwana wakwe Aitubi umwina wakwe Ikabodi, umwana wakwe Pineasi umwana wakwe Eli, uwali a simapepo wakwe Yawe ku Syilo. Kutali umwi uwamanyile ukuti Yonatani watapita.

Masamu 80:2

Ndu isokolole uku luko lwakwe Efulemu, lwakwe Benjamini nga nu lwakwe Manase! Langizya amaka yako, ndu tutulanye!