1 Samueli 27:12 - Amazwi Yakwe Leza 2013

¹² Akisyi wataile sana Davidi nga aelenganya ati, “Davidi wataisausya sile ku antu yakwe aina Izlaeli, cakuti wene amaya umuomvi wane amanda pe.”

1 Samueli 27:12 Referans Kwoze

1 Samueli 13:4

Aina Izlaeli yonsi iyanenwa ukuti Saulo watacimvya inkambi ya ina Filisti, nu kuti aina Izlaeli lyene iyapatikwa wakwe cimwi ku ina Filisti. Acino antu iyazumila ulwamo ulwakuya ku Giligali pamwi na Saulo.

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

Kufuma 5:21

Nga yanena Mose na Aaloni yati, “Yawe watalola vino mwatimucita nupya alamuvunuka pakulenga Falao na yacilolo yakwe kuti yatupate. Vino mwatimucita cili wa kuyapeela lupanga mu minwe kuti yatukome.”

1 Samueli 27:11

Davidi wakomanga yonsi kwene, aonsi na anaci kwene ukwaula kusya nanti wenga uwakusenda ku Gati, pano wene welenginye ati, “Yene yangaya yakatulandilile iyati, ‘Vi na vi avino Davidi wacita.’ ” Uu, uli musango uno Davidi wikalile nu kucita pa nsita yonsi ino watenzi mu mpanga ya ina Filisti.

1 Samueli 28:1

Mu manda yalya aina Filisti iyakonganika ivita vyao kuti yakalwisye aina Izlaeli, nga Akisyi anena Davidi ati, “Ulinzile kumanya ukuti wewe pamwi na antu yako mumapita nani ku nkondo.”

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.