1 Samueli 26:24 - Amazwi Yakwe Leza 2013

²⁴ Icumi, vivi kwene vino nali nawaka umi wako ilelo, avili vino nani kwene Yawe awake umi wane nu kumpokolola ku ntazi zyonsi.”

1 Samueli 26:24 Referans Kwoze

Mateo 5:7

Alongo antu yano yakaya na mizu ku auze. Pano Leza nawe alaya na mizu kunoyali.

Umbwilo 7:14

Nani mwasuka inti, “Musambazi, wewe umanyile.” Nawe anena ati, “Yaa ali antu yano aposya mu macuzi akulu cuze. Yene yafula mingila yao nu kuiswefya mu wazi wa Mwana wa mfwele.

2 Tesalonika 3:2

Pepini kuti Leza atutuule ku antu ankota na aipe pano asi yonsi akataila Ilandwe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Masamu 144:2

We luse lwa citemwiko cane ni linga lyane, we cele lyane na katuula wane, we cisyangu cane, we muno nataila, wemuno nkacimvizya imitundu.

Masamu 54:7

Watumpususya uku macuzi yane, nupya nindola nakuno anisi yane yonsi yakucimba.

Masamu 18:48

Aliwe uwampususya uku anisi yane. Aliwe wantumpula apapela pali yayo akandwisya. Nu kunkulula uku muntu wa lukang'ansi.

Masamu 18:25

Yawe uwacumi ku antu acumi, wene akailanga ukuya uwacumi kuli yayo akaele.

Masamu 18:1

Ulwimbo luu, ulwakwe Davidi luno wimbilile Yawe apa kumupususya umu minwe yakwe Saulo na anisi yakwe yonsi.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Samueli 18:30

Yamusika akalamba ya vita vya ina Filisti iyatwalilila ukwiza ku ulwi, lelo umu ulwi onsi Davidi wacimvyanga ukuluta asilika yakwe Saulo asyala. Ni zina lyakwe ililumbuka wakwe cimwi.

1 Samueli 24:16

Lino Davidi wamala ukuvwanga, Saulo amuuzya ati, “Uzye icumi kwene awewe, Davidi umwana wane umonsi?” Nga Saulo atandika ukulila nu kupooma.

2 Samueli 4:9

Davidi aasuka Lekabu na Baana, ana aonsi yakwe Limoni umwina Beeloti ati, “Nalapa umwi zina lyakwe Yawe waumi, wino wantuula umu ntazi zyonsi, ukuti

Masamu 34:20

Yawe akawakilila amafupa yakwe yonsi pyu. Patangepaye nanti lyonga ilya kuvunika.