1 Samueli 26:12 - Amazwi Yakwe Leza 2013

¹² Acino Davidi atoola isumo ni ntungo ya manzi pipi nu mutwe wakwe Saulo, nga iyapita. Kutali nanti wenga uwa yaweni nanti ukumanya icacitike nanti ukuzyuka. Yonsi kwene yaizi utulo, pamulandu wakuti Yawe wayaponyezizye utulo twa mfwa.

1 Samueli 26:12 Referans Kwoze

Utandiko 2:21

Lyene Yawe Leza aleka umuntu kuti akasule utulo twamfwa, nga lino acikaswile Leza asisya lumbazo longa lwa monsi, asililapo nu munyefu pa ciposi.

Utandiko 15:12

Lino ilanzi lyatemba, Abulamu akasula cuze, nga, ku tulo ntete zyangofyo zimulema cuze.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Esita 6:1

Usiku wa wanda kwene ulya, umusambazi ataweni napakusempwila utulo. Acino anena akuti yalete ulupapulo umwaya imilandu iyakwiusizya amasunde amilandu yampiti na mpiti. Iyatandika nu kuwelengela umwene.

1 Samueli 26:7

Acino Davidi na Abisyai iyaya ku vita usiku, iyaya yazana Saulo watakasula utulo umukasi ka nkambi ala ni sumo lyakwe lisimfilwe mu musili pipi nu mutwe wakwe. Abineli na asilika ala yatiyalambalala ukuzinguluka Saulo.

1 Samueli 24:4

Antu yakwe Davidi yavwanga iyati, “Uu, uli wanda uno Yawe wavwanzile ukuti alapeela umwanisi wako umu makasa yako kuti umucitile icili consi cino ukasi.” Lyene Davidi asela ukwaula kuti yamanye nga asentula isempele lya mwingila wakwe Saulo.

1 Samueli 26:13

Lyene Davidi aya ku lusansa luze lwa cifoloma nga aimilila papela ya mwamba, apafuntwikeko. Pakasi kao pali iciposi icikulu.