1 Samueli 23:16 - Amazwi Yakwe Leza 2013

¹⁶ Yonatani umwana wakwe Saulo nawe aya kuli Davidi ku Holesyi nga amukomelezya ni visininkizyo vya kucingililwa na Leza ati,

1 Samueli 23:16 Referans Kwoze

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

Efeso 6:10

Mukusyalikizya, lekini maka yakwe Leza yamukomelezya.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

1 Samueli 30:6

Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

Luka 22:43

Mungeli aloleka kunoli kufuma kwiyulu amukomelezya.

Neemiya 2:18

Alino njanena navino umwene Leza uku luse lwakwe watangazwa nu kuyalandila amazwi yano umwene Alitakisesi wanenyile. Nayo iyatandika papo kwene ukupunda, iyati, “Katutandike ukukuula.” Nao yaasuka yati, “Lekini tutandike uku kuula cipya cipya.” Acino yaiteyanya ukutandika umulimo uu usuma.

Mapinda 27:9

Mafuta acinunu cisuma pamwi nu ubani vikazanzya umwenzo, lelo usuma wakwe cuza wasintilila pa kulungika auze.

Mapinda 27:17

Ndi vino icela cikanyola icela cuze, vivyo kwene umuntu nawe akakopa imisango ku muntu muze.

Malango 3:28

Wemo peela sile Yoswa amalamulo. Fwandi umukomelezye nu kumupeela inzyansyo, pamulandu wakuti aliwe alatungulula antu ku kulamba nu kuyapoka nu kwikala mu mpanga ino wemo umalola sile.’

Yobo 16:5

Lelo ningalanda amazwi akumukomelezya, suka sile na pano amati yanguma umu mulomo wane.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

1 Samueli 23:15

Lino Davidi wali ku Holesyi umu lwanga lwa Zifu, amanya ukuti Saulo wataiza ku kumukoma.