1 Samueli 2:3 - Amazwi Yakwe Leza 2013

³ Si fwandi mungala musuule sile, mutaya ni cilumba. Mutaezya ukuvwanga amazwi akuitumika, pano Yawe a Leza uwamanya vyonsi. Wene akapima vino antu yakacita.

1 Samueli 2:3 Referans Kwoze

Mapinda 8:13

Icoopo kuli Yawe kuli kupata uyi. Napata icilumba, imitumfyo, imiyele iipe ni ntumpu.

1 Yamwene 8:39

wemo uwamuvwa uku mapepo yakwe. Uwamukutika kwiyulu ukwako kuko kuno wikala. Uwamuyelela uluse nu kumutuula wamutuula. Awewe wenga sile wewe wamanya vino antu yakaelenganya mu myenzo yao. Umuntu wensi uwamulambula kulingana navino akacita,

Mapinda 24:12

Uzye ungakana ukuti, “Awe nemo ntamanyile umulandu?” Nga fwandi wiyo uwamanya nu kupima imyenzo ya antu atamanya? Nanti wiyo akawaka umupasi wako uzye asiuvwa?

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Mapinda 16:2

Inzila zyonsi izya muntu, umweneco akazilola wa zisuma, lelo kapima wa myenzo a Yawe.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Masamu 147:5

Umwene witu umukulu nupya uwamaka. Amano yakwe amuntapimwa.

Masamu 94:4

Yene yakavwanga vyakuyuvwa nu kuitanka pa uyi wao?

Masamu 44:21

ngano wamanya mpiti. Pano inkama zyonsi izyaya umu myenzo ya antu, wemo wazimanya.

Yobo 31:6

Ndi cakuti Leza wali nu kumpima apa cipimilo icisitumpoka, wene angazana nu kusininkizya ukayele wane.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Malaki 3:13

Yawe wavwanga wati, “Mwemo mwalanda amazwi aipisye apali nene. Lelo mukuuzya muti, ‘Uzye ivyani vino twalanda ivyapali wewe?’

Danieli 5:27

Tekeli: Wapimwa pa sikelo nu kuzanwa ukuti wangumpala wakwe cimwi.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Ezaya 26:7

Inzila ya muntu umulungame yaya itambalale. We Yawe, awewe walinganya inzila ya mololoke.

Masamu 17:10

Yene yatakweti nu luse foo, nu kuvwanga yakuvwangila itolo.

Masamu 31:18

Myalalika utunwa twao, yaye a yaciulu, pano twanenolanga cilumba cilumba uwakaele.

Masamu 75:5

Sazyini ukuitutumula nu kulanda ivyakumpontela.”

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.

Yakapingula 9:38

Lyene Zebuli amunena ati, “Ale lelo citapo cimwi! Uzye asi wewe walandanga uti, ‘Abimeleki aweni! Uzye pacani cino tungamucindikila?’ Yakwene ali antu yano wemo wasuulanga nu kutumfya. Ale lyene katuka ukalwe nayo!”

Ezekelo 35:13

Nemo nkauvwa amazwi yonsi acilumba, yano ukavwanga civwangevwange pali nene. Ala nemo nkauvwa sile vyonsi.