1 Samueli 17:8 - Amazwi Yakwe Leza 2013

⁸ Lyene Golyati wilya aiza aimilila nu kulaizya ku ina Izlaeli ati, “Uzye pacani cino mwizila kuno ku kutulwisya, mwe azya yakwe Saulo mwe? Nemo nene ndi lamba lya ina Filisti. Aleni sololini umuntu wenga uwakuti twize tulwe nawe.

1 Samueli 17:8 Referans Kwoze

1 Samueli 8:17

Alatola icikumi pa mfwele zinu ni mbuzi, nga namwe kwene mweisikulu mulaya azya yakwe.

1 Milandu 21:3

Lelo Yoabu aasuka ati, “Si Yawe asandulule ivita vyakwe amaila umwanda. We musambazi nupya umwene wane, Uzye antu yaa yonsi yasi akwako? Uzye pacani we musambazi wane ukasi kucita icintu cii? Uzye pacani cino ungaletelela aina Izlaeli?”

2 Samueli 11:11

Uliya nawe aasuka Davidi ati, “Aina Izlaeli na ina Yuda yonsi yali ku nkambi, nga umusambazi wane Yoabu nga na makombe ya mwene yatiyakuula insakwe pa mpanga pa mbiliwili. Uzye lyene icani icingaleka nene inje ukwane ku kumwa nu kulya nu kulala nu muci wane? Awe icumi nalaya nu mulapo ukuti cico cene ntange ncicite!”

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:23

Lino akulanda nayo, Golyati icipombolo ca ina Filisti, icina Gati, iciza cifuma mu ina Filisti. Icitandika nu kulanda amazwi ali yamwi kwene yano caomvizye pa kutandika. Lilyo ale na Davidi akuuvwako.