1 Samueli 15:26 - Amazwi Yakwe Leza 2013

²⁶ Lelo Samueli avwanga ati, “Awe, nemo nsikupita nawe. Wemo watukana ukuyela amazwi yakwe Yawe, nga acino nawe kwene watakukana ukuya umwene pa ina Izlaeli!”

1 Samueli 15:26 Referans Kwoze

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

1 Samueli 16:1

Yawe anena Samueli ati, “Uzye fwandi wemo ulata lilaci ukutezela Saulo? Nemo namukana mpiti ukuti atangaya umwene wa ina Izlaeli. Wemo zuzya sile amafuta umu musazi wako nga ukatuke uwapita. Namakutuma kwakwe Yese umwina Betelemu. Natinsolola wenga uwamu ana yakwe aonsi kuti aye umwene.”

1 Samueli 13:14

Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

2 Yoane 1:11

Pano umuntu ali wensi akumulamuka ala nawe kwene wakumako ku viipe vino akacita.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”

1 Samueli 15:31

Acino Samueli aswilila na Saulo, nga Saulo apepa Yawe.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Utandiko 42:38

Lelo Yakobo avwanga ati, “Mwana wane atangapita namwe, pano umwina wafwa, nga wikwene wenga sile asilepo. Limwi icintu cimwi cingamucitikila mu nzila. Nene muntu mukote, lyene amazwi aulanda yano mungiza nayo angankoma.”

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

1 Samueli 28:18

Pamulandu wakuti wemo utayezile amazwi yakwe Yawe nanti ukulovya aina Amaleke, Yawe nawe watacita ci kunuli ilelo.

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

Oseya 13:11

Mu ukali wane namupiile yamwene, nu mu cipyu cane imupoka nu kuyasenda.

2 Samueli 7:15

Lelo kwene ntalata ukumuyela uluse, wakwe vino nacisile kuli Saulo, wino nafumizye pa wene kuti we Davidi uye umwene.