1 Samueli 14:44 - Amazwi Yakwe Leza 2013

⁴⁴ Saulo alaya nu mulapo ati, “Leza andye nanti ancitile iciipe icili consi, ndi cakuti usikufwa wewe Yonatani!”

1 Samueli 14:44 Referans Kwoze

1 Samueli 14:39

Nupya nkulaya nu mulapo pa manso yakwe Yawe, wino akatuula aina Izlaeli, ukuti umuntu uwataifya ali nu kukomwa, nanti angala angaya umwanane Yonatani.” Lelo kusi umwi pa antu yalya uwavwanzile cimwi.

Luti 1:17

Konsi kuno ulafwila, nani kwene akuno ndafwila nu kuzikwa. Si Yawe Leza andye ndi cakuti napeela umweko ku cintu cili consi kuti cimpaatule kunuli, suka sile imfwa.”

1 Samueli 25:22

Alino Davidi alapa nu mulapo ati, “Si Leza andye, ndi cakuti lino ilanzi litacili litunke, namasya umwana umonsi uwamu antu yakwe asyale akufuta!”

Mapinda 25:16

Nanti ndi cakuti wazana uci, lya uwikute, lelo utacizya umu cipimo pano ungaluka.

2 Samueli 19:13

Davidi ayanena na mazwi kwene yaa kuti yanene Amasa yati, “Wewe wakazi kane. Ukutandika sile likwene, wemo nakulasika ukuya musika mukalamba uwa vita pa cifulo cakwe Yoabu. Si Leza andye, ndi cakuti ntacisile cii!”

2 Samueli 12:31

Asenda kumwi na antu yano yali mu musumba ulya, aya ayapeela incito iyakulepula imbao, ni yakulepula amawe na yapiki. Ukulunda penepo ni ncito iyakuomvya impasa alino nu kutama injelwa. Avili vino wene wacisile na kuli yonsi ali mu misumba ya ina Amoni. Lyene Davidi ni vita vyakwe vyonsi iyaswilila ku Yelusalemu.

2 Samueli 12:5

Davidi nawe asokela umukama wiyo sana nga anena Natani ati, “Nalapa umwi zina lyakwe Yawe waumi ukuti umuntu wiyo uwacisile cico alinzile ukufwa!

2 Samueli 3:9

Lelo ndakai, nkuti we Leza ungazwe, namacita consi cino ningacita kuti mfikilizye vino Yawe walavile nu mulapo ukucitila Davidi.

Utandiko 38:24

Lino papita manye myezi itatu umwi anena Yuda ati, “Nyokovyala Tamala watapula indilwa kumwi.” Yuda apeela ilamulo ati, “Mwanaci wiyo muye mukamufumizye kunzi ya muzi mu moce afwe.”

Yakapingula 11:35

Lino Yefuta wamulola, alepola ivyakuzwala vyakwe nga apunda ati, “Uwi, mwanane! Wandetela amalanda nu kunyunguluka, pamulandu wakuti natindaya nu mulapo kuli Yawe uno ntangemfutuke!”

1 Samueli 3:17

Eli nawe amuuzya ati, “Uzye ivyani vino Yawe waliwakukunena? Utezya umfise nanti cimwi. Yawe amakusantola ndi cakuti wala wamfisa pali vino wali wakunena.”