1 Samueli 14:25 - Amazwi Yakwe Leza 2013

²⁵ Lyene ivita vyonsi ivisalanganila umu mutengo, nga ivizana uuci mwenemo.

1 Samueli 14:25 Referans Kwoze

Malango 9:28

Pano limwi, antu amu mpanga ino mwatufumizyeko yangavwanga ukuti pamulandu wakuti wemo waposiwe kutwala antu yaa mu mpanga ino wayalavile, na pamulandu wakuti wemo wayapata, acino wayafumizye uyaleta mu lwanga kuti uyakome.

Mpendwa 13:27

Yasimikila Mose yati, “Twaile mu mpanga ino watutumile mwenemo, nga cumi cumi yene iya uzombozi cuze nupya yavunda. Lola, iviseekwa vimwi vya mwenemo aivi.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

1 Samueli 14:24

Lyene aina Izlaeli iyaongoka ku nzala pa wanda ulya, pamulandu wakuti Saulo wayapile ilamulo nu mulapo ku vita, ati, “Citipu ciye pa muntu ali wensi uwalya icakulya lino ilanzi litali liwe, nupya lino ntali incite icilanduzi pa anisi yane!” Icaleka kusi umuntu nanti wenga uwalile icakulya pa wanda ulya.

1 Samueli 14:26

Lino yaile umu mutengo, iyazana uuci ukutona umu malela, lelo kusi nanti wenga uwapenile ku kukomfola nanti akamunwe akombe, pamulandu wakuti yali ni ntete ku ntipu zyakwe Saulo.

Mapinda 25:16

Nanti ndi cakuti wazana uci, lya uwikute, lelo utacizya umu cipimo pano ungaluka.

Yakapingula 14:9

Apandila uuci umwi mu makufi ya makasa yakwe nga afuma akulya. Lino wafika ku akwasi yakwe, ayapeela uuci nayo iyalyako. Lelo nalyo kwene atayanenyile ukuti wali waupanda mu citumbi cakwe cisama.