1 Samueli 14:10 - Amazwi Yakwe Leza 2013

¹⁰ Lelo ndi cakuti yavwanga yati, ‘Izini kunotuli,’ ale lyene tumatumbela kunoyali, pano cico cimaya cili cimanyililo icakutulanga ukuti Yawe watayapeela umu makasa itu.”

1 Samueli 14:10 Referans Kwoze

Utandiko 24:14

Indi nu kwizalanda ku mukazyana inti, ‘Napapata tembeleka nsembo ya manzi imwe.’ Ndi amaiza ati, ‘Mwini, nga ni ngamila zyako kwene namazipela amanzi zimwe,’ ale awiyo kwene awino watusolwela muomvi wako Isaki. Nda vino ciza citika, nkwiza imanye vino wasunga ulayo uno walavile umusambazi wane.”

1 Samueli 10:7

Lino ivimanyililo vii vyonsi vyaya vyaloleka, uye ukacite icintu icili consi cino wayalola ukuti acili cino cingakuzipila, pasi pano Leza ali nawe.

Yakapingula 7:11

Umaya ukuvwe vino yakulanda, nga lyene umaposya kuti ukazanze.” Acino Gidyoni na Pula umuomvi wakwe iyatentemukila ku mbali ya nkambi ilya ukwali anisi yao.

Yakapingula 6:36

Alino Gidyoni anena Leza ati, “Wemo wavwanga wati watuelenganya ukumbomvya kuti ukulule aina Izlaeli.

1 Samueli 14:9

Ndi cakuti yatunena yati, ‘Lolelini papo kwene tusuke twize kunomuli,’ lyene tumalolela pakwene panotuli ukwaula ukuya kunoyali.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

2 Yamwene 20:9

Ezaya nawe aasuka ati, “Yawe umweneco ali nu kukulanga icakumanyila kweneko ukuti cino walaya suka sile icicitika. Uzye ungatemwa ukuti icinzingwa ciye apankolelo yako, nu kuya imilila apa lutampulo ulwalenga ikumi, nanti kuti ciswilile apacisila, ciye cikimilile apa lutampulo ulwalenga ikumi?”