1 Samueli 1:15 - Amazwi Yakwe Leza 2013

¹⁵ Hana nawe amwaasuka ati, “Awe, musambazi! Nemo nene mwanaci umwi ali nu ulanda wakwe cimwi. Ntamwile uwengwa nanti umwi nanti sile icili consi icikakola. Nemo nali nkulondolwela sile Yawe ivintu ivili mu mwenzo wane.

1 Samueli 1:15 Referans Kwoze

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Masamu 42:4

Umwenzo wane ukakulukunta ndi niusya ivyampiti, lino nayanga na maumba umu ng'anda yakwe Leza. Anene kwene natungululanga mulongo wa antu ni nsansa, lilyo ala tukwimbila Leza nyimbo zyakumulumbanya.

Masamu 143:6

Natambika makasa yane kunuli, nkukuluka wa musili uume, uno ukulolela imvula.

Mapinda 15:1

Ukwasuka luse luse kukamala icipyu, lelo akasa kakakatusya ukali.

Yobo 30:16

“Kwene lyene indi umupipi ni mfwa. Amanda ya ulanda yati yanzana.

Mapinda 25:15

Ukutekela apa kukolopezya kaputula wa milandu nu ufuuke, cingalepoola ifupa nanti lingakoma uli.

1 Samueli 1:16

Utezya untunganye ne muomvi wako ukuti nene mwanaci iciwelewele. Insita yonsi ii nalinkupepa pa ulanda wane na pa cikonko cino cafundika ku mwenzo wane.”

1 Samueli 7:6

Acino yonsi kwene iyakongana ku Mizipa. Alino iyatapa amanzi nu kwitila wa wila uwapeelwa kuli Yawe. Lyene iyata nu kulya pa wanda ulya onsi. Iyavwanga iyati, “Twatitwifya kuli Yawe.” (Fwandi ku Mizipa kwene kuli kuno Samueli wapingwililanga aina Izlaeli.)

Masamu 62:9

Antu yonsi kwene yaya wa muza. Akama nayo yaya wa ufi, ndi cakuti kwali ukuyapima pali sikelo, yatange yanyome nanti panono, yali sile wa muza.

Mapinda 14:10

Umwenzo ukaimanyila onga ivikucuzya, nupya patangaya nanti wenga angamanya ndi watiuzanga.