1 Kolinto 9:9 - Amazwi Yakwe Leza 2013

⁹ Tukawelenga vyalembwa mu Masunde yakwe Mose ukuti, “Mutanyepa cipambasi mulomo lino mukumuomvya pa kupuula.” Uzye lyene tumati Leza pa kuvwanga cii wisile mano pali yacipambasi?

1 Kolinto 9:9 Referans Kwoze

Malango 25:4

“Utanyepa masaye umulomo lino ukumuomvya kuti alyatole ingano pakupuula.

1 Timoti 5:18

Pano malembelo yakati, “Utanyepa cipambasi mulomo lino ukumuomvya kuti alyatole ingano pakupuula” nga “Muomvi nawe alinzile kupelwa malipilo yakwe.”

Masamu 104:27

Vivyo vyonsi, awe vikalila wewe, apakuti uwavipeela icakulya uwavilisya insita yonsi.

Yona 4:11

Uzye nemo ntange njele umusumba ukulu wa Ninive uluse? Mu musumba kwene ulya muli ana anono 120,000 yao akaele, nga ni viteekwa vivule cuze!”

Malango 5:14

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti a masaye wako, nanti a punda wako, nanti iciteekwa cako icili consi, nanti umwenyi wino akaikala mu mikalo yako, pakuti umuomvi wako umonsi nu mwanaci kwene apuze, ndi vino wemo ukapuza.

Mapinda 12:10

Umuntu akacita vyaololoke akasakamala umi wa viteekwa vyakwe, lelo umunkalwe wene atavikwatila uluse, awe.

Loma 4:23

Mazwi akuti, “Amuzumila kuya mololoke” yatalemvilwe pali aliwe wenga sile.

Ezaya 28:28

Asionona ingano zyakwe umu kuzifwantola sile ukwaula ukuta, awe. Wene wamanya ivyakusokola ingano, akapisya ningo iceleta penepo ukwaula kuzyonona.