1 Kolinto 7:25 - Amazwi Yakwe Leza 2013

²⁵ Pali vino mwalemvile pamulandu wa antu atatwala, nemo ntakweti lamulo kufuma ku Mwene. Lelo nkupeela langulusi lyane wakwe umwi wino angatailwa pano Mwene waya na mizu kunondi.

1 Kolinto 7:25 Referans Kwoze

1 Kolinto 7:6

Ntakupeela ilamulo kunomuli lino nkumunena cii, lelo nkumuzumilizya sile.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

1 Kolinto 7:40

Nanti cingaya vivyo, mwanaci wiyo angaya ni nsansa kuluta ndi cakuti wikala kwaula kutwalwa. Lii, lili langulusi lyane, nupya nani kwene nkwelenganya vino nkweti Mupasi Wamuzilo.

1 Kolinto 7:12

Yauze nao nkuyanena vii (Nemwisikulu, asi Mwene awe), ndi cakuti umwina Klistu umonsi wakwata muci atataila, nga muci nawe wazumila kwikala nawe, wene atalinzile kumuta.

2 Kolinto 11:17

Vino nkuvwanga asi vino Mwene angatemwa kuti mvwange, lelo mu vintu vino nkuitumika nkuvwanga wa muntu mutumpe.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 7:34

Caleka wene akalema viili. Mwanaci atatwalwa nanti a mwali wene akasakamala mulimo wa Mwene, pano wene akalonda kuti mwili nga nu mupasi wakwe vipelwe cuze ku Mwene. Lelo mwanaci wino watwalwa akasakamala vintu vyamu nsi, pano wene akalonda kwelenganya vya kuzanzya iya.

1 Kolinto 7:28

Lelo ndi watwala ale utacisile iifyo, nga ndi cakuti mwanaci wino atatwalwa watwalwa, ale nawe kwene atacisile iifyo. Lelo nkwezya kumucingilila ku ntazi zya cila wanda zino atwala yalakwata.

1 Kolinto 7:10

Ku antu atwalana nkweti lamulo lyakuyapa. Asi lamulo lyane, lelo lyafuma ku Mwene lyakuti muci atalinzile kutaana niya wakwe.

Masamu 78:63

Alumendo yao nayo umoto wiza wayoca. Kutasile uwakuti angatwala yakaci yao.