1 Kolinto 7:23 - Amazwi Yakwe Leza 2013

²³ Mwemo Leza wamukala pa mutengo ukulu. Caleka mutaya azya ya antu.

1 Kolinto 7:23 Referans Kwoze

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Aina Levi 25:42

Aina Izlaeli yene azya yakwe Yawe uwayafumizye mu mpanga ya Eguputo. Acino yatalinzile kukaziwa mu uzya.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.