1 Kolinto 7:14 - Amazwi Yakwe Leza 2013

¹⁴ Umonsi atataila nawe kwene akaya mwina Leza lino wasakwa ku mwanaci mwina Klistu. Nu mwanaci kwene atataila akaya mwina Leza lino wasakwa ku monsi mwina Klistu.

1 Kolinto 7:14 Referans Kwoze

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

1 Timoti 4:5

Pano izwi lyakwe Leza ni pepo lyako ililalenga vilingane kuliwa.

Ezaya 52:1

Zyuka, vwandamuka! Zwala amaka yakwe Zioni! Zwala insalu zyako zyausaka we Yelusalemu, we musumba wamuzilo! Yano yatamanya Leza na yano yakowela yatalatala yingilemo nupya.

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

Milimo 10:23

Alino Petulo aingizya mu ng'anda ayasezya. Lyene katondo pa wanda walondelile akatuka apita nao, nga yamwi amu Yopa yano ataile yapita pamwi nawe.

1 Kolinto 7:13

Vivyo kwene, ndi cakuti mwanaci mwina Klistu watwalwa ku monsi atataila, nga umonsi wiyo wazumila kutwalilila kwikala nawe, wene atalinzile kutaana nawe.