1 Kolinto 6:13 - Amazwi Yakwe Leza 2013

¹³ Umwi angavwanga ati, “Cakulya capangilwe kwingila mu nda, nga ni nda nayo yapangilwe kupokelela cakulya.” Endi, lelo Leza alonona vii vyoili. Umwili utalinzile kuomviwa mu kucita ulenzyo, lelo ulinzile kuomviwa mu kutumikila Mwene. Mwene aliwe akasunga mwili.

1 Kolinto 6:13 Referans Kwoze

1 Kolinto 6:19

Uzye mutamanya vino mili inu ing'anda ikulu yakwe Mupasi Wamuzilo? Leza wamupile Mupasi Wamuzilo kuti aikala munomuli. Uli mulandu uno umi uno mukwikala usi wakwinu lelo uwakwe Leza.

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

Loma 6:12

Caleka mutaleka maifyo yateeka mu mili inu ino ili nu kufwa, nu kulenga kuti mwalondela ulunkumbwa lwa untunze winu.

1 Kolinto 6:15

Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

Efeso 5:23

Pano iya ali mutwe wa muci. Wakwe vino Klistu ali mutwe wi uvi nupya ali Katuula wakwelyo.

Mateo 15:17

Uzye mutamanyile vino consi icikaingila mu mulomo cikaya munda nga cifumila kunzi?

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

2 Kolinto 11:2

Nemo nkweti uzuwa pamulandu winu, wakwe vino Leza nawe akweti. Mukoline wakwe mwali musanguluke wino nalaya kumufumalizya ku muntu wenga sile. Muntu wiyo a Klistu umwisikulu.

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

Loma 7:4

Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

Yoane 6:49

Nanti angala vikolwe vinu mu lwanga vyalyanga cakulya cino camwangwa ukuti mana, lelo vyene vyafwile.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Mako 7:19

Pano cisiingila mu mwenzo wakwe lelo munda yakwe alino pacisila cikafumila kunzi.” (Mukuvwanga cii Yesu walanzile ukuti vilyo vyonsi vilinzile kuliwa.)

Mateo 15:20

Vintu vii vyene vikakowezya umuntu. Lelo kulya ni minwe ya mifitalila kutangakowezya muntu.”

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.