1 Kolinto 4:3 - Amazwi Yakwe Leza 2013

³ Ndakai cisi cimwi ndi napingulwa namwe nanti cilye ca milandu. Nanti nemwisikulu nsyaipingula.

1 Kolinto 4:3 Referans Kwoze

1 Kolinto 2:15

Muntu wensi akweti Mupasi Wamuzilo, wene angapingula umpomvu wa vintu vyonsi. Lelo kusi umuntu wino angamupingula.

Yoane 7:24

Mutapingula mu milolekele ya vintu, lelo pingulini kulingana ni cumi.”

1 Kolinto 3:13

Lelo umpomvu wa mulimo wakwe cila muntu ulaloleka lino Wanda wakwe Klistu ulausokolola. Pano pa Wanda ulya umoto uno Leza alatuma ulezya mulimo uo nu kulanga umpomvu wakweo vino uli.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

1 Kolinto 4:4

Mumwenzo wane muli cumi, lelo cii cisyakusininkizya ukuti nene wakaele. Mwene aliwe akampingula.