1 Kolinto 3:19 - Amazwi Yakwe Leza 2013

¹⁹ Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

1 Kolinto 3:19 Referans Kwoze

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Masamu 141:10

Leka aipe yaponele umu masumbo yao aeneco, lelo nemo nsyale uwaula indema.

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

Kufuma 1:10

Ndi nkondo yaponyile antu yaa yangaazwana na anisi itu kuti yatulwisye. Nga limwi yangapuuka mu mpanga itu. Tulinzile twalonda inzila imwi yakulesya impendwa yao kukula cuze.”

Esita 7:10

Fwandi ali vino yakulike Hamani uku cimuti cino wateinye ukukulikila Modekai. Lyene umwene Aasuwelo umwenzo iwikala.

Mapinda 14:8

Amano ya muntu musalapuke yasintilila apa kumanya inzila ya malango, lelo iviwelewele vyene vikatumpokwa pamulandu wa vicitwa vyakwevyo.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

1 Kolinto 4:6

Inane, naomvya Apolo nga na nemwisikulu kuya cilangililo ca kumulangilila vino mazwi yakasenula, yano akati, “Mwalondela ivya tantikwa mu malembelo.” Kutaya nanti wenga uwa munomuli kutasya umuntu umwi nu kusuula muze.

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.