1 Kolinto 3:17 - Amazwi Yakwe Leza 2013

¹⁷ Caleka umuntu umwi ndi wonona Ng'anda ikulu yakwe Leza, Leza nawe alamonona. Pano Ng'anda ikulu yakwe Leza yene iya muzilo, nga mweisikulu mwemwe muli Ng'anda ikulu yakwe Leza.

1 Kolinto 3:17 Referans Kwoze

Ezekelo 43:12

Likwene lili lamulo lya Ng'anda ikulu yakwe Leza ino ilakuulwa papela ya mwamba. Incende yonsi apapela ya mwamba ukuzinguluka ing'anda iyo ilaya iyamuzilo kuluta. Likwene lili lamulo lya Ng'anda ikulu yakwe Leza.”

Ezekelo 7:22

Ndayafutatila pakuti antu yakize yakakowezye icuma cane. Ainamasi yalingilamo nu kucikowezya.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Mpendwa 19:20

Lelo ndi cakuti umuntu mukowele wakana ukucita vivyo, wene yalinzile kumusukula umwi uvi, pamulandu wakuti wene watakowezya Itaalu lyakwe Yawe. Pamulandu wakuti amanzi akumukondwela yatapisile pa mwili wakwe, ali cino fwandi wene wasyala mukowele na makombezya yakwe yasyala yamukambatile.

Masamu 79:1

Iye mwe Leza! Ainamasi yawililila impanga ya antu yako! Yatiyakowezya ni ng'anda yako iya muzilo, yatiyaongolola nu musumba wa Yelusalemu.

Aina Levi 20:3

Muntu umwi ndi wapeela ana yakwe kuli Moleki nu kulenga Itaalu lyane lyamuzilo ukuya lyamifitalila, nupya nu kuzewanya zina lyane lyamuzilo, umuntu wiyo indamufutatila nu kumusukula mu antu yane.

Ezaya 64:11

Ng'anda itu yakupepelamo, iyo iyaya yamuzilo nupya yalulumbi, ino ivikolwe vitu vyakulumbanyizyanga mwenemo, nayo kwene yayoca uku moto. Incende zyonsi zino twazanganzilanga mwenemo nazyo kwene zyononeka.

Aina Levi 15:31

Yawe wanenyile Mose kuti asoke aina Izlaeli pamulandu wa mifitalila yao pakuti yatakowezya Itaalu lya Ukongano lino lyali pakasi ka nsakwe. Pano ndi yalikowizye, yangakomwa.

Kufuma 3:5

Lyene Leza avwanga ati, “Utapalama pipi nupya zula ndyatu zyako, pamulandu wakuti cifulo cino uwimililepo icamuzilo.

Utandiko 28:17

Auvwa intete nga avwanga ati, “Owe cifulo ci icakoopa! Cilinzile ukuya ing'anda yakwe Leza ni mpongolo ya kuila kwiyulu.”

Masamu 99:9

Lumbanyini Yawe Leza witu, mumupepe apa mwamba wakwe uwamuzilo! Pano Yawe Leza witu uwamuzilo!

Masamu 93:5

We Yawe, ala amasunde yako yaya acumi pee na pee, ni sano lyako liye ilya kuyelelela ilyamuzilo mpaka umuyayaya.

1 Milandu 29:3

Ukulunda pali vii vyonsi, nemo nkupeela ku Ng'anda ikulu yakwe Leza, icuma cane cakwe zaabu na siluva, ukuluta pali vyonsi vino napeela ku mulimo wa Ng'anda yakwe ikulu.

Zefaniya 3:4

Yakasema yakwe imbutuma. Yene incenjezi.

Masamu 74:3

Ndutante apa vitotela, ala mwine anisi itu yatiyonona ivintu vyonsi umwi sano lyako!

1 Kolinto 3:16

Cumi mwemo mwamanya vino mwemwe Ng'anda ikulu yakwe Leza nga na vino Mupasi Wamuzilo akaikala munomuli.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.