1 Kolinto 2:6 - Amazwi Yakwe Leza 2013

⁶ Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

1 Kolinto 2:6 Referans Kwoze

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.

Yakobo 3:15

Mano amusango uu yasyafuma kuli Leza. Yene amano yamu nsi auntunze nupya yakwe Ciwa umwisikulu.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Yobo 12:21

Aliwe akalenga ukuti yakateeka yasulwe. Nu kulenga amaka yasile kuli yano akwata amaka.

Yobo 12:19

Aliwe akalenga nu kuti yasimapepo yaye wa viwelewele. Akafumya ivilolo apa vifulo vyao ndi vyalengela penepo.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

1 Kolinto 2:13

Caleka lyene, mazwi yonsi yano tukavwanga twasambiliziwe na Mupasi Wamuzilo, asi mano ya antu. Mupasi Wamuzilo kwene wii, aliwe akatwazwa kusambilizya vintu vya Mupasi ku antu ali nu Mupasi.

1 Kolinto 2:1

Inane, lino nizile kunomuli ku kukosola nkama ya cumi yakwe Leza, ntaomvizye mazwi azike nanti kuvwika mucenjele mu mivwangile.

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Mateo 19:21

Yesu nawe amunena ati, “Ndu kasi ukuya mufumaluke, yanga kakazye vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Ezaya 40:23

Awino akacefya yamwene ukucila mu cipimo, na yakateeka yansi ukuyalola ungati yatatazile yaye penepo.

Masamu 37:37

Mwalolekesya umuntu musuma, mucecete umololoke umwenzo. Pano umuntu walongo awiyo akasya impyanyi zyakwe pano nsi.

Masamu 146:4

Lino yafwa, yene yakaswilila ukwivu, nu wanda kwene uo amapange yao yasililikila.

1 Kolinto 3:1

Inane, nemo ntavwanzile kunomuli ndi vino nkavwanga ku antu ali na Mupasi Wamuzilo. Navwanzile kuno muli wa antu amu nsi ali wa ana anono mu utailo muli Klistu.

1 Kolinto 12:8

Mupasi Wamuzilo akapeela umuntu umwi maka akulanda vya mano, nga Mupasi Wamuzilo ali umwi kwene akapeela umuntu muze maka akulanda mazwi akusambilizya.

2 Kolinto 4:3

Ndi kuli cimwi cino cafiswa ica pamulandu wi Landwe lino tukakosola, ale cafiswa ku antu yano akulowa.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Ayebulai 6:1

Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.