1 Kolinto 2:10 - Amazwi Yakwe Leza 2013

¹⁰ Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

1 Kolinto 2:10 Referans Kwoze

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Efeso 3:3

Nupya kalata wi akumunena pamulandu wakwe vino Leza wasokolola kunondi vya nkama yakwe nga nu kuleka kuti manye.

Galatiya 1:12

Ntalipokelile kufuma ku muntu, nupya kusi umuntu umwi uwansambilizye. Yesu Klistu umwisikulu uwalisokolwile kunondi.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Kolinto 2:11

Kusi umuntu angamanya melenganyo ya muntu muze. Suka mupasi wa muntu kwene wiyo. Mu musango uli onga kwene, kusi wamanya melenganyo yakwe Leza suka Mupasi wakwe Leza umwisikulu.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Yobo 12:22

Aliwe akasokolola apaswe ivicitwa vyamu mfinzi, nu kuleka umufitisye fii muswepe swee.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Kolinto 14:30

Lelo ndi cakuti Leza waumbula cimwi ku muntu umwi wino ali penepo, wino akulanda alinzile kuta kulanda.

Luka 2:26

Mupasi Wamuzilo wasokolwile kunoli ukuti wene atalafwa lino atatala walola Katuula wino Leza walavile.

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Ezaya 48:16

“Acino fwandi mwemo palamilini sile kuno, muvwe vino nemo nkuvwanga. Ukutandika sile uku katalili, nemo nkamulandila ivintu apaswe, nupya lyonsi nkaleka vino ndanzile vicitike.” (Lyene Yawe wampeela Umupasi wakwe, nu kuntuma.)

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

1 Timoti 4:1

Mupasi Wamuzilo akalanda paswe ukuti mu manda yampela antu yamwi yalafutatila utailo. Yene yalayela mazwi kufuma ku mipasi yantumpu, nga nu kulondela masambilizyo kufuma ku mipasi yankota.

Umbwilo 2:24

“Lelo yamwi asyala munomuli amu Tiatila yatayela usambilizyo uu uwipe, mwemo mutasambilila vino yauze yakati, ‘Nkama zikulu zyakwe Ciwa.’ Nkumunena ukuti ntalika cisendo nacuze panomuli.