1 Kolinto 16:16 - Amazwi Yakwe Leza 2013

¹⁶ londelini utunguluzi uwa antu ali ndi yaa, nga nayauze yano akaomba nu kutumikila pamwi nao.

1 Kolinto 16:16 Referans Kwoze

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

1 Tesalonika 5:12

Tukumupapata mwe ina itu, kuti mwacindika yao akaomba pakasi kinu, yano akamutungulula muli vino mulinzile kwikala wa ina Klistu.

3 Yoane 1:8

Swe ina Klistu, lyene tulinzile ukwazwa antu yaa pakuti tukumeko ku mulimo wao uwa kusalanganya ilandwe.

Umbwilo 2:3

Wemo ukateeka umwenzo nupya wacuziwe pamulandu wane, nupya utanenwike.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Filipi 4:3

Nawe kwene, we cuza wa cumi pa mulimo witu, nkulonda kuti wazwe yamama yaa. Pano yene yaombisye cuze pamwi nani mukusalanganya Landwe Lisuma, pamwi na Klementi nga na aomvi yanji yonsi yano ndakai mazina yao yalembwa mu lupapulo lwa umi.

Efeso 5:21

Mwatontelana pamulandu wa kucindika Klistu.

1 Kolinto 12:28

Mwi uvi Leza wika antu yaa, nkolelo atumwa, yakwe ciili akasema, nga yakwe citatu akasambilizya. Alino wika na yao akacita vinjelengwe, nga palondelela yao apelwa maka akupozya nanti kwazwa yauze nanti kuyatungulula nanti kulandila mu ndimi zyuze zitamanyika.

1 Kolinto 3:9

Pano sweswe aomvi alemana pamwi mu kuombela Leza, nga namwe mwemwe calo cakwe Leza. Nupya mwemwe cikulwa cakwe Leza.

Loma 16:12

Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene.

Loma 16:9

Natuma ulau na kuli Ubanusi kwene muomvi pamwi naswe mu mulimo wakwe Klistu, nga na kuli Sitakisi mukundwe wane.

Loma 16:6

Natuma ulau kuli Maliya wino akatumikila cuze apamulandu winu.

Loma 16:3

Natuma ulau kuli Pulisila na Akwila, aomvi yanji mu kutumikila Yesu Klistu.

1 Milandu 12:18

Alino Mupasi wakwe Leza aikila pali wenga uwa mwi umba lili, izina lyakwe a Amasai, uwizile aya umukalamba wa mpuka ya vita vivi amakumi yatatu. Nga nawe avwanga ati, “Ala! We Davidi, umwana wakwe Yese, sweswe antu yako! Ulongo luye kunuli na kuli yao akukwazwa! Leza ali ku lusansa lwako.” Alino Davidi ayazengela nga ayapeela ivifulo umu mpuka ya vita vyakwe.

Kasambilizya 1:3

Umuntu akasumba insita mu wikazi ala akuomba, akwazika, lelo uzye ivyani vino akatumbulamo?

Ayebulai 13:24

Mutulamukile intunguluzi zinu zyonsi pamwi na antu yakwe Leza onsi. Aina itu aku Italya yamulamuka.