1 Kolinto 16:15 - Amazwi Yakwe Leza 2013

¹⁵ Inane, mwamanya vino Sitefano pamwi na amu ng'anda yakwe ayano yatandike kuya aina Klistu a nkolelo mu mpanga ya Akaya nupya yaipela aisikulu ku kuomba vyonsi vino yangacita pamulandu wa antu yakwe Leza. Inane, nkumupapata,

1 Kolinto 16:15 Referans Kwoze

1 Kolinto 1:16

Endi nupya nawatizye Sitefano pamwi na amu ng'anda yakwe kwene. Lelo ntange niusye ndi nawatizye muntu na muze.

Loma 16:5

Natuma ulau kwi uvi ilikapepela mu ng'anda yao. Natuma ulau kuli cuza wane Epanatusi, uwali ali muntu wakutandika kutaila muli Klistu mu muputule wa mpanga ya Asiya.

1 Petulo 4:10

Cila muntu akangalila wa wila pa mawila apusane kufuma kuli Leza. Acino umwangalizi musuma alinzile kuomvya uwila uiyele mu kwazwa antu yauze.

2 Kolinto 9:1

Citakulondekwa kuti mulembele pamulandu wa kwazwa kuno mwapanga kupeela ku antu yakwe Leza amu Yudeya.

2 Kolinto 8:4

yene yuzizye nu kutupapata kuti tuyazumilizye kukwata syuko lya kwazwa antu yakwe Leza mu Yudeya.

Loma 16:2

Mumupokelele mwi zina lya Mwene, wakwe vino antu yakwe Leza yalinzile kupokelelwa. Mwazwini muli vyonsi vino angalonda kwazwiwa, pano wali a cuza wa antu aingi pamwi nani kwene.

Loma 15:25

Ndakai, nanti cingaya vivyo, nkuya ku Yelusalemu ku kutumikila antu yakwe Leza.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Ayebulai 6:10

Leza asi wa lufyengo. Wene atalilila mulimo uno mwaomba nanti kutemwa kuno mwalanga kunoli pa kwazwa kuno mucili mukwazwa aina Klistu yauzo.

Filimoni 1:7

We mwinane mukundwe, kutemwa kuno wakwata kwatuletela luzango lukulu nu ukomelezyo cuze! Wemo wasansamusya myenzo ya antu yakwe Leza onsi.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Kolinto 16:17

Nati nzanga pamulandu wa kwiza kwakwe Sitefano, Fotuneto nga na Akaiko. Lino tuli nao kuno cikoline kwati tuli namwe.

Loma 15:31

Pepini pakuti ntaponela mu makasa yakwe yao atataila amu Yudeya nga na pakuti kutumikila kwane mu Yelusalemu kungapokelelwa na antu yakwe Leza aya mwenemo.

Milimo 18:12

Lino Galio wali mulasi uwaku Akaya, Ayuda yonsi pamwi yakatukila Paulo, yamulema yamutwala ku cilye,

1 Kolinto 16:1

Lino mukupoka uwila wakwazwa antu yakwe Leza amu Yudeya, nkulonda kuti mwacita ndi vino nanenyile mauvi amu Galatiya.