1 Kolinto 15:43 - Amazwi Yakwe Leza 2013

⁴³ Lino mwili wazikwa wene ukaya mu musango uwiipe nupya utonte. Lelo lino ulazyukuka, wene ulaya mu musango uyembe nupya ukome.

1 Kolinto 15:43 Referans Kwoze

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

Danieli 12:1

Umungeli uwazwite insalu itelepelele alanda ati, “Apa nsita ilya umungeli mukulu Mikaeli, wiyo akacingilila antu yako, alaloleka. Lyene kulaya insita ya macuzi, iipisye wakwe cimwi ino itatazile iyako ukufuma sile ku kutandika kwa nko ukufika na pilelo kwene. Lelo lino insita ilya ilafika, antu yako yonsi yano amazina yao yalembwa mu lupapulo lwakwe Leza yalatuulwa.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

1 Kolinto 6:14

Leza wazyukwile Mwene kufuma ku afwe, nga naswe kwene alatuzyukula kupitila mu maka yakwe.

Mateo 13:43

Lyene antu akacita ivyawololoke yene yalaengesa wi lanzi mu Wene wakwe Isi. Ali na matwi yakuuvwa, auvwe!

Masamu 102:23

We Yawe, nemo wancisile umunyankate lino ncili umwance nu kucefya amanda yane akwikala pano nsi.

Yobo 14:10

Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

Yoane 8:49

Yesu aasuka ati, “Nemo nsi nu mupasi wankota.” “Nkacindika Tata, lelo mwemo musyancindika.