1 Kolinto 15:34 - Amazwi Yakwe Leza 2013

³⁴ Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

1 Kolinto 15:34 Referans Kwoze

1 Kolinto 6:5

Cii ica nsonyi kunomuli! Cumi kwene, pakasi kinu palinzile kuya nanti umuntu umwi wenga uwa mano, wino angaputwila aina Klistu milandu.

Loma 13:11

Mulinzile kucita cii, pano mwati mumanya vino kasita kati kafika kakuti muzyuke mu tulo. Pano uwanda lino tulatuulwa wati upalama kuluta lino twatandike kutaila.

Yowelo 1:5

Acino zyukini mwe yakolesi mwe, nga mulile. Muililile mwensi mwemuno mwatemwa ukumwa waini, pano imitingi yonsi pyu yatiliika nu kulowa.

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

1 Kolinto 8:7

Lelo asi yonsi amanya cumi cii. Antu yamwi aingi mu kukula kwao yataila vino tuluwi twaya nu umi. Caleka lino yakulya vyakulya vya musango uu, yene ala yacili yakwelenganya vino yakulya vyakulya vyapeelwa ku tuluwi. Myenzo yao yatonta, nupya yakoweziwa.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yoane 8:11

Nawe aasuka ati, “Mwene, pasi nanti umwi.” Yesu nawe amunena ati, “Nani kwene nsyakukupeela mulandu. Pitanga, lelo utakiifye nupya.”

Yoane 5:14

Pacisila cakwe cii, Yesu amuzana mu Ng'anda ikulu yakwe Leza, nga amunena ati, “Lola, lyene watupoziwa. Caleka ute ukwifya pakuti cimwi cipisye kuluta cii citakakuponele.”

Yona 1:6

Ciinda wa combo aya kunoli, nga amunena ati, “Uzye ungakasula uli? Katuka upepe kuli leza wako! Limwi amatusumbako amano kuti lyene tutaundwa.”

1 Tesalonika 4:5

Mutaya azya ku mbunu zinu nanti kwikala wa antu atataila.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 4:4

Oopini Leza nga mute ukwifya. Mwaelenganya wakwe cimwi pali cii, lino muizi cele pa misanzi inu.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Milimo 26:8

Uzye lyene pacani mwemo mwacizana icitale kutaila ukuti Leza angazyukula antu kufuma ku afwe?

1 Kolinto 4:14

Nkumulembela cii, asi pamulandu wa kumucita insonyi, lelo apakuti imusambilizye wa akundwe.