1 Kolinto 15:2 - Amazwi Yakwe Leza 2013

² Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

1 Kolinto 15:2 Referans Kwoze

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Kolose 1:23

Mulinzile kutwalilila kuya acumi nupya akomeleke cuze mu utailo winu. Mutalinzile kuta upaalilo uno mwapokelile lino muvwile Ilandwe Lisuma. Lyene lyakosozilwe ku antu yonsi pano nsi, nga nani nemwisikulu nene muomvi wi Ilandwe kwene lii.

Efeso 2:8

Pano mwatuuzilwe ni cikuku cakwe Leza lino mwataile.

1 Kolinto 1:18

Pano Ilandwe lya pamulandu wa mfwa yakwe Klistu pa lupanda lisyasenula cimwi ku antu yano akulowa. Lelo kunotuli swe muno tukutuulwa, Ilandwe lii amaka yakwe Leza yano akuomba.

Yakobo 2:26

Caleka, vino mwili uwaula mupasi ala ufwe, vivyo kwene nu utailo uwaula milimo isuma nao ufwe.

Yakobo 2:14

Inane ndi umwi walanda ukuti akweti utailo lino milimo yakwe isuma isyakulanga cisininkizyo cimwi cakuti akweti utailo, uzye usuma cii ungaya mu kulanda kwakwe? Uzye utailo uu ungamutuula?

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Yakobo 2:17

Vivyo kwene ivili nu utailo. Utailo ndi usyakutungulula ku kucita milimo isuma ala wene ufwe!

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

2 Tesalonika 2:15

Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.

Galatiya 3:4

Uzye vintu vino mwapitangamo vitakusenula cimwi? Mu cumi pali vino vikusenula!

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Mapinda 4:13

Sunga masunde yane, utayasuula. Uyawake pano uli umi wako.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

2 Kolinto 2:15

Pano swemo tukoline wa mununko usuma uwa ubani uno Klistu wapela kuli Leza. Mununko uu, waya usuma ku antu akutuulwa, na kuli yao akulowa.

1 Kolinto 15:14

Nupya ndi Klistu atazyukwike kufuma ku afwe, ale lyene cikusenula vino kukosola kwitu ukwasilesile nupya nu utailo witu kwene uwasilesile.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

Milimo 8:13

Simoni umwisikulu nawe kwene wataile na pacisila ca kuwatiziwa, watenzi pamwi na Filipo nga cimuzungula lino walola vizungusyo vikulu nga ni vinjelengwe ivyacitwanga.

Milimo 2:47

ala yakulumbanya Leza, nu kutemwikwa na antu onsi. Na cila wanda Umwene walundangako kwi umba lyao antu nayauze yano atuulwangwa.

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

1 Kolinto 11:2

Inane nemo nkumutasya pano mukanjiusya lyonsi nu kulondela masambilizyo yano napiile kunomuli.