1 Kolinto 15:19 - Amazwi Yakwe Leza 2013

¹⁹ Ndi upaalilo witu muli Klistu watuzipila sile mu umi uu, ale lyene sweswe ya ulanda kuluta antu yonsi muno nsi.

1 Kolinto 15:19 Referans Kwoze

Umbwilo 14:13

Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

2 Timoti 3:12

Muntu wensi wakwe Klistu wino akalonda kwikala umi wakucita vyawololoke pa manso yakwe Leza wene alazunyiwa,

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

1 Tesalonika 1:3

Pano tukaiusya kunena Leza Tata pa utailo winu nu mulimo uwa kutemwa nga na pa upaalilo winu ukome mu Mwene Yesu Klistu.

Luka 8:14

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.

Mateo 24:9

“Lyene yalamulema, yalamuzunya nu kumukoma. Antu amu nko zyonsi yalamupata pamulandu wane.

Kasambilizya 6:11

Amazwi ndi yavula, ni vyasilesile navyo vikavula. Uzye umuzano cii uno umuntu angazana?

2 Timoti 2:4

Musilika wino ali pa mulimo wene akalonda kuzanzya musika mukulu. Caleka wene asyaitumpa mu vicitwa visi vya asilika.

Yoane 16:2

Yalamuzinga mu mang'anda ya mapepo, endi, na kasita kakwiza lino wino wensi wamukoma alelenganya vino pa kucita cii, akutumikila Leza.

Masamu 17:14

We Yawe, ntuule uku antu yayo yano umu umi wao wa muno nsi yakwata vino yakalonda vyonsi. Yapini ucuzi wacipezya mano, uno wayateyanyizizya nu ku izikulu yao kwene!

Kasambilizya 9:9

Uwailyokezya nu mwanaci wino watemwa lino ucili nu umi, umi uwasilesile uno Leza wakupeela mu nsi ii. Uwailyokezya mu manda yonsi aumi wako, pano avino ungazana mu milimo yako ya macuzi.