1 Kolinto 15:17 - Amazwi Yakwe Leza 2013

¹⁷ Ndi Klistu atazyukwike kufuma ku afwe, ale lyene utailo winu uwasilesile nupya ale mucili mu umi uwa kwifya.

1 Kolinto 15:17 Referans Kwoze

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

1 Kolinto 15:14

Nupya ndi Klistu atazyukwike kufuma ku afwe, ale lyene cikusenula vino kukosola kwitu ukwasilesile nupya nu utailo witu kwene uwasilesile.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

1 Kolinto 15:2

Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Ezekelo 33:10

Yawe anena ati, “We mwana wa muntu nena aina Izlaeli ndi vino mwemo mukailizyanya muti, ‘Swemo twanyomelwa ni viipe vitu, nu mufulo uno twacita. Twatituya tukucepelako nu kwikala pano nsi kwene kwatikutufuulila.’

1 Kolinto 15:16

Ndi afwe yasyazyukuka, ale lyene na Klistu kwene atazyukwike.