1 Kolinto 15:14 - Amazwi Yakwe Leza 2013

¹⁴ Nupya ndi Klistu atazyukwike kufuma ku afwe, ale lyene cikusenula vino kukosola kwitu ukwasilesile nupya nu utailo witu kwene uwasilesile.

1 Kolinto 15:14 Referans Kwoze

1 Kolinto 15:17

Ndi Klistu atazyukwike kufuma ku afwe, ale lyene utailo winu uwasilesile nupya ale mucili mu umi uwa kwifya.

1 Tesalonika 4:14

Swemo twataila ukuti Yesu wafwile nga nupya wazyukwike. Caleka twataila ukuti cilaya cili cimwi kwene na kuli yao afwa nu utailo muli Yesu. Leza alayazyukula nu kayaleta pamwi na Yesu.

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Galatiya 2:2

Napisile pamulandu wakuti Leza wasokolwile kunondi ukuti ndinzile mpite. Lino twakomenkine ni ntunguluzi mu nkama nalondolwile Ilandwe lino nakosozile ku Akulukuwa. Nalondanga kusininkizya vino mulimo wane pa mpiti nga nu mu nsita ikwiza utaya uwasilesile.

Milimo 17:31

Pano wimika uwanda uno alapingwilapo antu yonsi amu nsi mu wololoke ukupitila muli wino wasola. Wapela icisininkizyo pali wensi pakuzyukula umuntu wilya kufuma ku afwe!”

Mateo 15:9

Nanti yakumpepa icasilesile, pano yakasambilizya masunde ya untunze kwati ali masunde yane!’ ”

1 Kolinto 15:2

Mulatuulwa ni Landwe Lisuma kwene lii ndi mukuyela mazwi yakwe Leza yano nakosozile kunomuli, ndi cisi vivyo ale mwazumila pa silesile.

Ezaya 49:4

Lelo nemo navwanzile inti, “Naicuzizye sile ukuombesya. Namazile sile amaka yane ukwaula umuzano. Lelo kwene insambu zyane zili kuli Yawe, ni cilambu cane cili kuli Leza wane.”

Masamu 73:13

Uzye fwandi nemo lyene inkaicuzya sile, apakusunga umwenzo wane ukuya uwakaele, na pakufulala uku minwe lino nkuizifya?

Utandiko 8:8

Lyene Nowa atuma inkunda ukuyalengula ndi amanzi yatiyakama mu nsi.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

1 Kolinto 15:13

Ndi antu yatalazyukuka kufuma ku afwe yaye nu umi, ale lyene cikusenula vino Klistu atazyukwike kufuma ku afwe.