1 Kolinto 14:11 - Amazwi Yakwe Leza 2013

¹¹ Lelo ndi nemo ntanguvwa mazwi ya cilimi cikulandwa vino yakusenula, ale umuntu wino akulanda akoline wa mwinamasi kunondi nga nani wa mwinamasi kunoli.

1 Kolinto 14:11 Referans Kwoze

Milimo 28:2

Antu yali asuma kunotuli. Alino imvula itandika kutonya ukuya ni mpepo. Caleka swensi yatuzengela ningo nga yatupembela umoto.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

1 Kolinto 14:21

Calembwa mu malembelo cati, “Ndaomvya antu atamanyika nupya akalanda ndimi zitamanyika pa kulanda ku antu yane. Yene yalalanda mazwi yane kunoyali mu ndimi zitamanyika, lelo antu yane nalyo kwene yatalanguvwa. Avino Mwene walanda”

Loma 1:14

Pano nemo indi nu mulimo wa kutumikila umuntu ali wensi, musambilile nu mututu, uwa mano na mbulwa mano kwene.

Milimo 28:4

Lino antu akucilila cii yalola inzoka ala ikunyinyinda kwi kasa lyakwe Paulo yavwanga yati, “Muntu wii alinzile kuya inkomi, lelo nanti angala watapusuka ku manzi, Leza wa ololoke atakumuleka aye umumi.”

1 Kolinto 14:10

Muno mu nsi mwaya ndimi zingi zipusanepusane. Lelo kutaya cilimi cimwi cino mazwi yakweco yatakwata vino yakasenula.