Biblia Todo Logo
Bib sou entènèt

- Piblisite -




1 Kolinto 12:10 - Amazwi Yakwe Leza 2013

10 Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

Gade chapit la Kopi




1 Kolinto 12:10
38 Referans Kwoze  

Caleka inane, lyene ikini myenzo inu mu kulanda ilandwe lyakwe Leza, lelo mutainda yauze kulandila mu ndimi zitamanyika.


Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.


Alino vilangililo vii vilaya na yano ataila. Mwi zina lyane yalafumya mipasi yankota, yalavwanga mu ndimi zyuze,


“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.


Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?


Lyene alondezi yapita kuya kosola konsi konsi, nu Mwene wayazwanga, nu kusininkizya ni vilangililo vino kukosola kwao ukwa cumi.]


Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.


Kutemwa ukwa pe. Malandwe ya usemo nga nu kulandila mu ndimi zitamanyika, vyonsi kwene vilasila. Kumanya nako kwene kwakwata impela yakweko.


mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.


Acino lekini tuomvye mawila itu apusanepusane yano Leza watupeela mu cikuku cakwe. Ndi twapelwa uwila wa kukosola mazwi yakwe Leza, mu cumi tulinzile kucita vivyo kwene kulingana nu utailo uno tukweti.


Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.


Wenga uwa munoyali uwizina lyakwe Agabasi, aimilila, nga mu maka ya Mupasi Wamuzilo asema pa cipowe icali nu kwiza umu nsi yonsi. (Cii, icizile lino Kalaudio wali a kateeka).


Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?


Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”


Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.


Cumi namunena nati, wino akuntaila wene alacita vicitwa vino nkacita, nga ni vikulu kuluta, pano nkuya kuli Tata.


Nani ndatuma panomuli cino Tata wandaya. Lelo mulinzile mulolele mu musumba, kufika lino mulapokelela maka kufuma kwiyulu.”


Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.


Mu manda yalya yakasema yamwi yafumile ku Yelusalemu iiza ku Antioki.


Cii cikusenula ukuti monsi ali wensi wino akapepa nanti kusema mazwi yakwe Leza lino watavimba cimwi ku mutwe wakwe ala akuzewanya Klistu.


Caleka, umuntu wino akalandila mu ndimi zitamanyika, alinzile kupepa kuti apelwe wila wakulondolola vino akulanda.


Swiv nou:

Piblisite


Piblisite