1 Kolinto 10:21 - Amazwi Yakwe Leza 2013

²¹ Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 10:21 Referans Kwoze

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

1 Yamwene 18:21

Eliya pali pakupalamila ku antu yaya yonsi nga ayanena ati, “Uzye alilaci lino mulelenganya vino muli nu kucita? Ndi cakuti Yawe ali Leza winu, fwandi ali wino mwapepa! Lelo ndi cakuti Baali ali leza winu, fwandi ali wino mwapepa!” Lelo antu yatavwanzile nanti izwi lyonga.

Ezaya 65:11

Lyene cilaiyela kuli mwemuno mwafutatila Yawe, mwemuno mukakana Zioni ukwi tolo sile, umwana wane uwamuzilo, mwemuno mukapepa Gadi na Meni, tuluwi twakumuletela isyuko nanti imipamba. Ala mwemo, mulacilola.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

Yelemiya 44:8

Uzye pacani cino mwamvulumwila icipyu uku vicitwa vya minwe inu, apa kocela tuleza utwenyi ubani umu mpanga ya Eguputo, kuno mwiza sile ku kwikala? Apa kucita camusango uo, mukulonda sile ukuilovya mwe eneco, cakuti antu amitundu yonsi pano nsi yakumuseka nu kumuwela. Yene yakaomvya ni zina linu alino yakulumbula apa kutipwila.