1 Kolinto 10:13 - Amazwi Yakwe Leza 2013

¹³ Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

1 Kolinto 10:13 Referans Kwoze

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Ayebulai 12:4

Pano mukulwisya maifyo lelo mwemo mutacili mulwisye kufika ku musinku wa kukomwa.

1 Tesalonika 5:24

Wiyo uwamwama wene ali nu kucita cii, pano wene watailwa.

Luka 22:46

Alino ayanena ati, “Pacani mukukasula? Katukini mupepe kuti mutaponela mu matunko.”

Yelemiya 29:11

Pano nimanya vino mpanzile ukucita pamulandu namwe, ivyalanda Yawe. Napanga ukumuletela ulongo asi syamo foo. Ukumuletela utailo ni syuko likalamba.

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Nyimbo zya ndosya 3:23

Muno amanda yala yacela wene akalanga cipya cipya ulukundo na mizu, pano wene uwacumi insita zyonsi.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

Ayebulai 11:11

Utailo uwalenzile kuti Sala apelwe maka akusenda indilwa nanti angala wali mukoloci. Wene welenginye vino wino uwamulavile wene uwakutailwa kukufikilizya malayo.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Luka 11:4

Utwelele maifyo itu, vino naswe tukaelela onsi yano akatwifya, nupya utaleka tuponele mu matunko.’”

Masamu 125:3

Amauteko aipe yatalatala yatwalilile lyonsi ukuteeka impanga ya antu aololoke, pano ndi cali vivyo, aololoke yangasuka yaifye.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Masamu 124:7

Imyenzo itu yapusunsuka sile, wa cunyi uku lukose lwa muwamvi.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Masamu 89:33

Lelo Davidi wene ntalata ukumutemwa, nanti ukuposiwa ukufikilizya ulayo wane kunoli.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Luka 16:26

Nupya lola, kuli manga izike cuze pakasi kako naswe, cakuti yano akulonda kulamba kufuma kuko ukwiza kuno yatangacicita, nanti asweswe kwene tutangiza kuko.’

Yelemiya 12:5

Yawe nawe ali pakuvwanga ati, “We Yelemiya ndi cakuti wemo watonta ukucimvyanya na antu, ale lelo fwandi mungazingana uli ni mfwalasi? Ndi cakuti waposiwa kusimula mu mpanga itambalale, uzye lyene ungaca usimule uli umu misitu yamu Yodani?

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Milimo 27:44

Na yauze yalondele, ale yati yalemelela ku mbao nanti ku tupimfya twa wato. Vii, vili vino swensi twafumile ku nkumba mu mutende.

Masamu 36:5

We Yawe, ala uluse lwako lwafika nu mupela, umwiyulu nu ufumacumi wako wandatila nu mu makumbi.

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Samueli 29:10

Lyene wemo ukatuke sile katondotondo pamwi na aomvi ya musambazi wako akulondile, mukaswilile nayo ku musumba uno nakupiile.”