1 Kolinto 1:9 - Amazwi Yakwe Leza 2013

⁹ Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

1 Kolinto 1:9 Referans Kwoze

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Ayebulai 10:23

Lekini tulemasye kulanda pa upaalilo witu kwaula kutonta, pano tukutaila ukuti Leza alafikilizya ulayo wakwe.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Ezaya 49:7

Yawe wavwanga wati, Umuntu umwi wino antu yasuulisya wakwe cimwi, wino imitundu ya antu yapatisya, wino na yamwene alukang'ansi yateeka uzya, ali wino Yawe Katuula nupya Wamuzilo wilya wakwe Izlaeli, akunena ati, “Lino yamwene yalalola kuno wakululwa, yene yalakatuka nu kukucindika. Intunguluzi nazyo kwene zilakatuka nu kukufukamila, apa kukucindika. Pano uwakusolola anene, ne Yawe uwatailwa, Wamuzilo wilya wakwe Izlaeli.”

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 19:11

Nupya ndola iyulu lyalekuka, ni mfwalasi itiswe iloleka. Izina lyakwe wino uwakwezilepo yakati, “Uwakutailwa” nu “Wacumi.” Wene ataya na lufyengo mu upinguzi wakwe nanti mu ulwi uno akalwisya.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Masamu 100:5

Pano Yawe umusuma, ukutemwa kwakwe ukwa muyayaya, na ucisinka wakwe, nawo kwene uwa manda yonsi.

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

2 Kolinto 1:18

Leza angatailwa, nga nani kwene ningatailwa, lino nalanda ukuti kwasuka kwitu kuno muli lyonsi ukwakuti “Ee” lelo asi “Awe”.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Yoane 4:13

Twasininkizya ukuti tukaikala muli Leza nawe akaikala munotuli, pano wene watupeela Mupasi wakwe.

Ayebulai 11:11

Utailo uwalenzile kuti Sala apelwe maka akusenda indilwa nanti angala wali mukoloci. Wene welenginye vino wino uwamulavile wene uwakutailwa kukufikilizya malayo.

Loma 9:24

a sweswe kwene swe muno Leza waama, asi kufuma sile mu Ayuda, lelo nu mu Akulukuwa kwene.

Loma 8:30

Caleka yano Leza wasolwile, ali yano waama. Na yao yano waama ayano wacita kuya aololoke pa manso yakwe, nga nu kuyapelako lulumbi lwakwe.

Ezaya 25:1

We Yawe, wewe uli Leza wane. Namakulumbanya nupya namalumbanyanga izina lyako. Pano wemo wacita ivintu vyakuzunguka, umu ufumacumi, ivintu vino wapanzile ukucita na mpiti.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

2 Tesalonika 2:14

Leza waomvizye kukosola kwitu kwi Landwe Lisuma kuti kuye ulwamo kunomuli ulwa kukumako ku lulumbi lwa Mwene witu Yesu Klistu.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

2 Timoti 1:9

Wene watutuula nupya watwama kuti tuye antu yakwe, asi pamulandu wa vintu vino twacita. Lelo apamulandu wi pange ni cikuku cakwe. Wene wali ni cikuku kwene cii kunotuli muli Klistu Yesu lino kutali kuye kutandika kwa nsita.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Galatiya 1:15

Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

2 Timoti 2:13

Ndi tusi akutailwa, wene amatwalilila kuya uwakutailwa pano wene atangaisomba.”