1 Kolinto 1:27 - Amazwi Yakwe Leza 2013

²⁷ Leza, mwi pange lyakwe, wasolwile cico cino antu amu nsi yakaelenganya kuya utumpe, pakuti wene angazewanya antu yamano, nupya wene wasolwile cico cino antu amu nsi yakaelenganya kuya utonte pakuti azewanye antu yamaka.

1 Kolinto 1:27 Referans Kwoze

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!

Masamu 8:2

Utwance kumwi nu twana twa kwiyele nato kwene tukakulumbanya. Waikuulila ilinga lya maka pamulandu wa anisi yako. Alino nu kucincintila anisi yako yonsi kumwi na yayo akutalamila.

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

Mateo 21:16

Alino yuzya Yesu yati, “Uzye ukuuvwa vino ana yaa yakuvwanga?” Yesu nawe aasuka ati, “Ee. Uzye mutawelenga mu malembelo vino Leza wavwanga ati, ‘Watusambilizya ana anono nga nu tunya tukoonka kukulumbanya cifumaluke.’ ”

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

2 Kolinto 10:10

Yamwi muno muli yakuti, “Makalata yakwe Paulo yaya na mazwi akome nupya a maka. Lelo lino ali pamwi naswe, pa manso itu, wene umutonte, nupya mazwi yakwe yasyasenula cimwi.”

Ezaya 29:19

Antu yasilesile kumwi na alanda, yalasyukila insansa wakwe cimwi, zizyo zino Leza Wamuzilo wakwe Izlaeli akapeela antu.

Mateo 9:9

Lino Yesu wafumanga kuku, alola kasonkisya izina lyakwe a Mateo, ala atenzi mu ng'anda ya musonko. Alino Yesu amunena ati, “Ndondela.” Mateo nawe akatuka amulondela.

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 7:54

Lino inkombe zya mwi Tengo zyuvwa kuli Sitivini, zikalipa cuze zilumanya incecete ku ukali.

Milimo 7:35

“Mose ali wino aina Izlaeli yakanyile lino yavwanzile yati, ‘Uzye aweni uwakucita kuya intunguluzi na kapingula panotuli?’ Wene ali wino Leza watumile ku kutungulula antu nu kuyakulula kufuma mu uzya nu wamwazwanga u mungeli wino uwalolike kunoli mu cimpuza icapyanga.

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Yelemiya 8:9

Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Kolinto 2:12

Swemo tutapokelela mupasi uwafuma muno nsi. Lelo twapokelela Mupasi Wamuzilo kufuma kuli Leza, pakuti atwazwe tumanye vyonsi vino Leza watupela.

Mpendwa 22:30

Nawe punda avwanga ati, “Uzye asi nene punda wako, wino ukakwela ukutandika ku wance wako ukufika na pilelo kwene? Uzye natala nakucitila icintu camusango ndi uu?” Balamu nawe aasuka ati, “Awe.”