ZEFANYA 3:11 - KITTA' MATANGKASA'

¹¹ Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

ZEFANYA 3:11 Referans Kwoze

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

YESAYA 61:7

Lanri le'ba' mako nipakasiri' a'lappi tallu, siagang ra'masaka kammayatompa tunaya a'jari bageannu, na nunggappamo warisi' a'lappi rua ri pa'rasangannu, na nupatang karannuang mannannunganga.

1 PETRUS 2:6

Nasaba' nia' tattulisi' lalang ri Kittaka angkanaya, “Le'ba'mi Kupile batu lompoa anggaranna, Kupadongkoka a'jari batu majarre' ri kota Sion; na inai tappa' ri Ia talamala'bayai pa'mai'na.”

ROMA 9:33

Ri sesena anjo batua, nia' tattulisi' lalang ri Kittaka angkana, “U'rangi baji'-bajiki anne: Ri Sion nia' batu le'ba' Kuboli', la'jari sabaka natatto'ro taua; iamintu se're batu lompo, la'jari sabaka natu'guru' taua. Mingka inai-nai tappa' ri Ia tena nalala'ba' pa'mai'na.”

MATIUS 3:9

Teako akkapangi angkanaya lakkullei nuliliang hukkunganNa Allata'ala lanri nukanana kalennu sossorannako Abraham. U'rangi angkanaya, manna anne batu-batua, akkulle tongi Napa'jari Allata'ala sossoranna Abraham!

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

YESAYA 45:17

Mingka Israel Nipasalamaki ri Batara; lattahangi kasalamakkanna. Ikau ngaseng tena nulanipakasiri' siagang lanihina sa'genna satunggu-tungguna.’ ”

ROMA 2:17

Mingka kamma-kamma anne, antekamma ri kalennu ngaseng sari'battang? Mangakuko angkana tu Yahudiko. Anna'galakko mae ri hukkung agama Yahudia siagang tinggi pa'maikko lanri passisambungannu siagang Allata'ala.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

DANIEL 9:20

Tulusu' appala' doamma' siagang kuanimi dosaku kammayatompa dosana bansaku Israel. Appala' doang tonga' mae ri Karaeng Allata'alaku sollanna Napakabaji' ammotere' balla' matangkasa'Na.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

PAMMUJI 49:5

Lakuparhatikangi paruntu' kanaya, nakupakasingara' battuanna lalang akko'bikku kacapi.

PAMMILANGNGANG 16:3

A'lampa ngasemmi siagang ke'nanga mange andallekang ri Musa siagang Harun nampa angkana, “Angganna'mi anjo sikammaya Musa! Sikontu umma' Israel nisa'laki untu' Batara. Nampa niaki Batara ri tangnga-tangngata ngaseng. Mingka angngapa nanukana kalennu la'bi tinggiangangko na umma'Na Batara?”

PAMMUJI 59:12

TeaKi' bunoi ke'nanga, o, Batara, sollanna bansaku tena nakaluppai. Kipasimbungi siagang Kibetai ke'nanga siagang koasaTa, o, Batara, pa'la'langanna ikambe.

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 5:15

Tunggala' taua lanipakasiriki, siagang tau borroa lanipakatunai.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

YEREMIA 13:9

“Kammaminjo caraKu angngalle tindakang mae ri tu Yehuda siagang pandudu'na Yerusalem. LaKuancuruki anjo kabarroang ta'liwa'na ke'nanga.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.