ZEFANYA 2:9 - KITTA' MATANGKASA'

⁹ Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

ZEFANYA 2:9 Referans Kwoze

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

YEREMIA 50:40

Antekamma bateKu angngancuruki Sodom siagang Gomora siagang sikamma desa-desa niaka ri tammulilina, kamma tomminjo bateKu langngancuruki Babel. Tena manna sitau lammantang pole anjoreng. INakke, Batara, anne akkana.

YEREMIA 48:1

Iaminne kananNa Batara Kaminang Koasaya, iamintu Allata'alana Israel, ri sesena Moab, nakana, “Cilakai pandudu'na Nebo, nasaba' runtummi kotana! Niallei Kiryataim, siagang benteng pattahanganna kassaka niancuru'mi, sa'genna siri'-siri' pandudu'na;

YESAYA 49:18

Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.

ROMA 14:11

Nia' tattulisi' lalang ri Kittaka angkanaya, “Nakana Batara, sikontutojenna, lasu'ju' ngasengi anynyomba taua ri dallekangKu; na sikontu rupataua massing lamangakui ri Nakke angkanaya iNakkemi Allata'ala.”

ZEFANYA 3:13

Tu Israel niaka ammantang tassesa, tenamo nala'gau' ja'dala' pole manna ri nai; tenamo nala'balle-balle ke'nanga siagang tena tommo nalannipu. Lakalumanynyangi na salewangang tallasa'na ke'nanga, siagang tenamo nalamalla' manna pole ri nai.”

ZEFANYA 2:14

Anjorengi sikontu rupanna olo'-oloka lattinro siagang ammari-mari. La'ru'mungi kokocika ri anjo bangunang panraka siagang lakkio'-kioki battu ri jandela-jandelaya. Jangang-jangang kalaaka lakkao'-kaoki ri dallekang ballaka. Sikamma kayu camaraya ri bangunang-bangunanna anjo kotaya lala'busuki nialle.

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

AMOS 1:13

Nakana Batara, “Bansa Amon a'mole-molei doraka, lanri kammana anjo ma'nassa laKuhukkungi ke'nanga. Ri wattunna a'bundu' ke'nanga untu' ampakaluaraki daerana, napuei battanna tubai'-baine tiananga ri Gilead.

YEREMIA 49:18

Antekamma batena Sodom siagang Gomora niancuru' siagang desa-desa niaka ri tammulilina, kamma tomminjo Edom. Tena manna sitau lammantang pole anjoreng. INakke, Batara, anne akkana.

YEREMIA 46:18

INakke Allata'ala mattallasaka, iNakke Karaeng, Batara Kaminang Koasaya. Rapang Bulu' Tabor ammenteng kassa' ri alla'na sikamma buluka, rapang Bulu' Karmel ammenteng kassa' ri tompo'na tamparanga, kammami anjo kagassinganna ia battua ambundukiko.

PAMMILANGNGANG 14:21

Mingka a'janjiA' lanri batangkalengKu siagang lanri iNakke mattallasaKa siagang makoasaYa ri anne linoa,

YEREMIA 49:1

Iaminne kananNa Batara ri sesena Amon, angkana, “Angngapai nabuttana suku Gad niallei siagang nipammantangngi ri tau anynyombaya ri Rewata Milkom? Apaka tenamo tu Israel akkulle angngallei anjo daeraya?

YEREMIA 49:33

Hazor lata'ronangi sa'genna satunggu-tungguna siagang a'jari tampa' paccokkoannai kongkong romang. Tenamo tau manna sitau lammantang anjoreng. INakke, Batara, anne akkana.”

AMOS 2:1

Nakana Batara, “Pandudu'na Moab a'mole-molei doraka, lanri kammana anjo ma'nassa laKuhukkungi ke'nanga. Nahinai ke'nanga Karaeng Edom anjo mateamo, iamintu nabongkaraki jera'na siagang naallei buku-bukunna nampa natunu a'jari au.

PAOLE 29:22

Ri bokoang allo, lanaciniki jari-jarinu siagang sikamma bansa maraeng battua ri pa'rasangang-pa'rasangang bellaya sikamma balaya siagang kasessang Napabattua Batara mae ri pa'rasangannu.

ZAKHARIA 2:13

A'mereki ngaseng mako ri dallekanNa Batara! Nasaba' ammentemmi battu ri tampa' pammantanganNa ri suruga.