ZEFANYA 2:7 - KITTA' MATANGKASA'

⁷ Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

ZEFANYA 2:7 Referans Kwoze

ZEFANYA 3:20

Labattui wattunna, pandudu'nu tassiaraka Kururungangi ammotere'. Kupa'jari masahorokko ri sikontu linoa, siagang laKupoterangi kakalumanynyangngannu.” Le'ba'mi akkana Batara.

YEHEZKIEL 39:25

Nakana Batara Kaminang Tinggia, “Mingka kamma-kamma anne laKukamaseangi umma' Israel jari-jarina Yakub, siagang Kupa'jari kalumanynyang poleangi ke'nanga. Lanri kammana anjo Kujagaimi arengKu sollanna tuli nipakalompo.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

MIKHA 2:12

Nakana pole Batara, “He umma' Israel niaka ija tassesa! Ma'nassa laKupa'rappungko siagang Kupasse'reko rapang gimbala' ammotereka mae ri barana. Rapang parang ruku' rassia siagang gimbala', kamma tomminjo pa'rasangannu larassi siagang tau jai.

OBAJA 1:19

Lanaempoi tu Yehuda timboranga pa'rasangang Edom. Sikamma tau battua ri pa'moncongang bageang ilauka lanabetai daera Filistin. Suku Benyamin lanaempoi Gilead, siagang Israel ummakKu lakoasai sikontu Efraim siagang Samaria.

YEREMIA 33:7

Yehuda siagang Israel laKupa'jari porei sangkamma riolo siagang lammentengi ammotere' salaku ummakKu.

YEREMIA 29:14

Tojeng, lanubuntulukKa'. LaKupasse'reko battu ri tangnga-tangngana tunggala' bansaya siagang battu ri pa'rasangang tampa'nu nipasisa'la'-sala' nipela'. LaKuerangko ammotere' mange ri pa'rasangang kabattuannu anne, siagang laKupakabajiki ammotere' katallassannu. INakke, Batara, anne akkana.’

ROMA 11:5

Kamma tomminjo kamma-kamma anne: nia' siapa are jaina tau le'ba' Napile Allata'ala lanri pangngamaseanNa bawang.

LAMPA-LAMPANA 8:40

Ti'ring nia'mi Filipus ri Asdod. Na ri wattunna napatulusu' pa'lampanna napabattumi Kabara' Bajika ri passala'na Isa, ri sikamma kota-kotaya sa'genna battu mange ri Kaisarea.

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

LUKAS 7:16

Malla' ngasemmi taua, na mammuji-muji ri Allata'ala. Nakanamo ke'nanga, “Ammumbami na'bi lompoa ri tangnga-tangngata! Nia'mi battu Allata'ala ampasalamaki umma'Na!”

MIKHA 4:10

He pandudu' Yerusalem, ammuriang mako siagang akkunrareng mako rapang baine ammanaka! Nasaba', kamma-kamma anne musti nubokoi kotaya nampa ammantangko ri paranga. Musti a'lampako mange ri Babel, mingka anjoreng laNalappassangko Batara battu ri musu-musunnu.

YEREMIA 32:44

sura' pammallina lanitekengi, nisarei segele', siagang nitekengi ri sa'bi-sa'bi. Anjo kammaya lakajariangi ri daerana Benyamin, ri desa-desa tammulilina Yerusalem, ri kota-kota Yehuda, ri kota-kota ri daera monconga, ri daera bangkeng buluka, siagang ri Yehuda bageang timboro'. Anne bansaya laKupakabajiki ammotere' katallassanna ri anne pa'rasanganga. INakke, Batara, anne akkana.”

YEREMIA 31:7

Nakana Batara, “Akkelongko a'rannu-rannu untu' Israel, ummakKu – bansa makase'rea ri sikontu bansaya Akkelongko kelong-kelong pammuji, siagang kabarrangi, angkana: ‘Le'ba'mi Napasalama' Batara niaka tassesa battu ri umma'Na.’

YEREMIA 30:3

Nasaba' lanarapiki sallang wattunna nalaKupa'jari baji' ammotere' katallassanna ummakKu Israel siagang Yehuda. LaKuerangi ammotere' ke'nanga mange ri pa'rasangang le'baka Kupassareang mae ri boe-boena ke'nanga. Anjo pa'rasanganga lanapatangi ammotere' ke'nanga. INakke, Batara, anne akkana.”

YEREMIA 23:3

Mingka sesa-sesanna ummakKu laKupasse'rei battu ri sikamma pa'rasangang tampa'na ke'nanga Kupela'. LaKuerangi ke'nanga ammotere' mange ri butta passolongang cera'na, siagang jari-jarina ke'nanga lakatambangi jaina.

YEREMIA 3:18

Lasse'rei Israel siagang Yehuda, nasiagang battu ri butta pammelakkanga, battu wara'. Lammotereki ke'nanga mange ri pa'rasangang le'baka Kupassareang a'jari butta pisaka mae ri boe-boenu.”

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

PAMMUJI 85:1

Untu' pamimping pakelong. Pammujina golongang Korah.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

HAGAI 2:2

Nasuroi Batara anjo Hagai a'bicara ri Guburnur Zerubabel, Imang Lompo Yosua, kammayatompa sikontu ra'yaka untu' ampabattui anne pasanga angkana,

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.

PAMMUJI 80:14

Nikekkeseki ri bawi romang sa'genna panra', na nikanre ri olo'-olo' paranga.

YESAYA 11:16

Lania' agang lompo untu' lanaolo umma'Na tassesaya assulu' battu ri Asyur, sangkamma wattunna assulu' Israel battu ri Mesir.

YESAYA 32:14

Ba'lalo balla' lompoa lanibokoi siagang ibukota suaraka la'jari sinoi. Buluka siagang sikamma menara tampa' pa'jaganga le'ba'mi nipasillappara' siagang butta sa'genna satunggu-tungguna. Sikamma keledai liaraka siagang gimbala' liaraka la'lemereki mange-mange a'ruku' anjoreng.

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YEREMIA 33:12

Nakana Batara Kaminang Koasaya, “Anne pa'rasangang siagang kota-kotana sangkammaya parang lompo, tena nipammantangngi ri tau yareka olo'-olo'. Mingka manna nakamma, ri bokoangallo lania' ammotere' parang-parang ruku' tampa'na taua akkalawaki gimbala'.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

HOSEA 6:11

Ri sesena ikau, he tu Yehuda, le'ba'mi Kupattantu wattunnu untu' laKuhukkung todong lanri panggaukannu.”

ZEFANYA 3:13

Tu Israel niaka ammantang tassesa, tenamo nala'gau' ja'dala' pole manna ri nai; tenamo nala'balle-balle ke'nanga siagang tena tommo nalannipu. Lakalumanynyangi na salewangang tallasa'na ke'nanga, siagang tenamo nalamalla' manna pole ri nai.”

YESAYA 11:14

Lassamai ke'nanga ambunduki tu Filistin ri bageang ilau' siagang anrampasaki bansa-bansa bageang irayaya. Lanapatunduki ke'nanga bansa Edom siagang Moab, siagang bansa Amon latundu' tongi mae ri ke'nanga.