Biblia Todo Logo
Bib sou entènèt

- Piblisite -




ZEFANYA 2:10 - KITTA' MATANGKASA'

10 Kammami anjo pandudu'na Moab siagang Amon lanihukkungi lanri katampoanna siagang kaborroanna ke'nanga, kammayatompa lanri le'ba'na nahina umma'Na Batara Kaminang Koasaya.

Gade chapit la Kopi




ZEFANYA 2:10
18 Referans Kwoze  

Nakanamo bansa Yehuda, “Nalangngere'mi ikambe antekamma kaborroanna bansa Moab. Naassengi ikambe angkanaya anjo ke'nanga tampoi siagang tinggi langgai. Bicaranna ke'nanga sangnging bicara kosong, tena bonena.”


Teai sipato' tamponu! Kulangngere'mi antekamma borronu, tinggi langganu koborroannu, siagang katampoannu!


Nakana Batara Kaminang Koasaya, “Kulangngere'mi bansa Moab siagang Amon anghinai siagang ancau-caui ummakKu. A'bicara tampoi ke'nanga angkanaya lanarampasaki buttana ummakKu.


Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”


Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’


Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.


Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.


Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.


Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.


Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.


Mingka tena nipa'biangi ri Batara nijallakkang ri bansa maraeng ke'nanga; lanri ke'nanga Nanipakainga' sikamma karaenga angkana,


Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.


Antekamma nakkulle barani tu bura'nena Moab angkana, ‘Ikambe tubarani, tantara pore, le'baka niso'ri lalang pa'bundukang?’


Ammenteng bellako, ri allo battuna musua allappoi pakke'bu'na Yerusalem siagang nabeta anjo kotaya. Tena apa-apa nukana ri wattunna naengka' ngaseng ke'nanga kakalumanynyangnganna Yerusalem na nabage-bage ri ke'nanga. Sangkamma jako ja'dala'nu siagang anjo musua.


Swiv nou:

Piblisite


Piblisite