ZEFANYA 1:4 - KITTA' MATANGKASA'

⁴ LaKuhukkungi pandudu'na Yerusalem siagang sikontu Yehuda. Sesa-sesa panynyombanga mae ri Rewata Baal laKupa'lanynyaki battu ri anjo tampa'-tampaka. Imang-imang allayania mae ri Rewata Baal lanikaluppai taba sikali ngasengi.

ZEFANYA 1:4 Referans Kwoze

HOSEA 10:5

Pandudu'na Samaria lamallaki; ke'nanga siagang imang-imanna ke'nanga allayania ri anjo sapi bulaenga ri Betel lasi'nai siagang langngarruki lanri lanynya'mi sikontu kalompoanna anjo barhalana ke'nanga.

MIKHA 5:13

Patung-patunna Dewi Asyera ri pa'rasangannu laKurumbangi siagang kota-kotanu niaka pattahanganna laKuancuruki.

YEREMIA 6:12

Balla'na ke'nanga lanipassareangi mae ri tau maraenga, kammayatompa sikamma kokonna siagang bainenna ke'nanga. LaKuhukkungi pandudu'na anne pa'rasanganga.

2 PATTOTTORANG 34:4

Anjo patung-patunga siagang barhala-barhalaya niancuruki sa'genna lica' ri ana' buana Karaeng Yosia, nampa napakioro' limbu'bu'na irate ri jera'na tau assarea koro'bang mae ri anjo barhala-barhalaya. Tampa'-tampa' pakkoro'bangnganna Baal siagang tampa'-tampa' pakkoro'bangngang dupa niaka anjoreng narumbang kabusuki ke'nanga.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

KALAPPASSANG 15:12

Kiangkaki lima kananTa, nalanynya'mo musua nia'lu' ri butta.

YEREMIA 15:6

Le'ba'Ma' nusorongboko siagang nubokoi, lanri kammanami anjo naKuangka' limangKu untu' angngancurukko, lanri lanreMa' antahangi larroKu.

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEHEZKIEL 25:7

Lanri kammana anjo laKupassareangko mae ri jaia bansa, ia langngellaki siagang anrampasaki apa-apannu. LaKupanrakiko, sa'gennu takkulleamo a'jari se're bansa, siagang tena tommo pa'rasangang kalennu. Nampa nuassemmo angkanaya iNakkemi Batara.”

ZEFANYA 2:11

LaNapa'jari Batara malla' ke'nanga. LaNaancuruki rewata-rewata niaka ri tompo'na buttaya. Nampa sikontu bansaya lanynyombai mae ri Batara, massing ri pa'rasanganna ke'nanga.

ZEFANYA 2:13

Le'baki anjo laNapakemi Batara kakoasanNa untu' angngancuruki Asyur. Kota Niniwe lanipa'jari sino sikali siagang nipa'jari butta kalotoro'.

2 KARAENG-KARAENG 23:12

Sikamma tampa' pakkoro'bangngang nibangunga ri Karaeng-karaeng Yehuda ri pattongko' rateanna kamara'-kamara'na Karaeng Ahas, naputta tongi. Kammayatompa tampa'-tampa' pakkoro'bangngang nibangunga ri karaeng Manasye ri ruaya paranglakkenna Balla'Na Batara, naputta kabusu' tongi Yosia, nampa napela' antama ri Ka'bung Lappara' Kidron.