ZAKHARIA 9:9 - KITTA' MATANGKASA'

⁹ He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

ZAKHARIA 9:9 Referans Kwoze

ZAKHARIA 2:10

Nakana Batara, “Akkelongko ma'rannu-rannu he ikau pandudu'na Yerusalem! INakke lammantang ri tangnga-tangnganu!”

MARKUS 11:7

Ri wattunna battumo ke'nanga mae ri Isa nalapakkimi jubana ke'nanga dongko'na anjo keledai. Le'baki anjo nai'mi Isa a'bae.

YESAYA 43:11

INakke Kale-kalengKu Batara, pantaranganna iNakke tena appasalama'.

MATIUS 11:29

Amminawang mako ri parentaKu, siagang appilajara' mako ri Nakke. Nasaba' inakke baji' pa'maikKa' siagang sa'barakKa'. Jari lasannammi nusa'ring.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 62:11

Napassareangi Batara anne pasanga mae ri sikontu cappa'na buttaya, angkana, “Pabattui mae ri pandudu'na Sion angkana, ‘Ciniki, battumi Batara Mappasalamaka! Nirurungang ri sikamma tau le'baka Nalappassang.’ ”

YESAYA 43:3

Saba' iNakke Batara, Allata'alanu, Allata'ala matangkasa'na Israel, Mappasalama'nu. Kupassareangi Mesir a'jari pappasulu'nu, Sudan siagang Syeba a'jari sambennu.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

YOHANES 1:49

Nakanamo Natanael, “Bapa' Guru, iKattemi Ana'Na Allata'ala! IKattemi Karaenna bansa Israel!”

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

YEREMIA 30:9

La'jari atako mae ri Nakke, Karaeng Allata'alanu, siagang mae ri se'rea jari-jarina Daud ia laKuangkaka a'jari karaeng.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

PAMMUJI 45:1

Pammujina golongang Korah. Kelong mangngamaseang. Untu' pamimping pakelong. Situru' lagu: Bunga bakung.

YOHANES 19:15

Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

MATIUS 2:2

Battui akkuta'nang mange-mange ke'nanga angkana, “Kemae pammantanganna anjo Ana' beru nilassukanga, la'jari karaenga ri tu Yahudia? Le'baki nia' ammumba bintoeng pammateiNa iraya. Nia' maki' anne battu ero' anynyomba ri Ia.”

LUKAS 24:27

Le'baki anjo nipakasingariammi ri Isa ke'nanga, sikamma apa le'baka tattulisi' lalang ri Kittaka, ansero kanayai KalenNa. Napakasingara'mi appakkaramula battu ri kitta'-kitta'na Musa sa'genna kitta'na na'bi-na'bia.

HAKING-HAKING 10:4

Nia' tallumpulo tau ana' bura'nena. Nia' tallumpulo keledaina ke'nanga siagang tallumpulo desana ri daera Gilead. Anjo desa-desaya tuli niarengiji desa-desa Yair.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 33:22

Sikontu pakkakasa' niaka ri kappala'na ke'nanga tena ngaseng matu-matunna; sikamma sombala'na takkulleai nipaka'rang! Sikontu kakalumanynyanganna pasukang musua lanirampasaki, teai sipato' jaina, sa'genna manna tau pesoka anggappa ngaseng bageang. KalenNa Batara la'jari karaenta; Ia lammarenta, ampaentengi hukkunga siagang ampasalamakki' battu ri musua.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

HOSEA 1:7

Mingka bansa Yehuda laKukamaseangi. INakke, Batara, Allata'alana ke'nanga lampasalamaki ke'nanga; mingka teai lanri pa'bundukang, teai todong lanri pa'dang yareka pana yareka jarang siagang pabaena.”

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

1 KARAENG-KARAENG 1:38

Jari Zadok, Natan, Benaya, siagang pangawala' ri kalenna karaenga nasuromi Salomo nai' ri keledaina karaenga, nampa narurungang mange ri timbuseng je'neka ri Gihon.

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

YEHEZKIEL 21:32

Lacappu' kabusukko nakanre pepe'. Latattumpai cera'nu ri pa'rasangang kalennu, siagang tenamo manna sitau langngu'rangiko. INakke, Batara, anne akkana.’ ”

MIKHA 4:8

Na ikau Yerusalem, tampa'Na Allata'ala anjagai umma'Na rapang pakalawaki anjagai lokoang gimbala'na, la'jariko ammotere' ibukotana kakaraengannu kamma riolo.