ZAKHARIA 9:8 - KITTA' MATANGKASA'

⁸ LaKujagai buttaKu siagang laKutahangi sikamma pasukang-pasukang bansa maraeng niaka ero' allaloi. Tenamo nalaKupa'biang sikamma tumanjallakkanga anjajai ummakKu. Nasaba' Kucini'mi kasessanna ke'nanga.”

ZAKHARIA 9:8 Referans Kwoze

YESAYA 54:14

Nibangungko irate ri kaadelang, nipakabellako battu ri mallaka siagang panjallakkanga.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

AMOS 9:15

LaKuboliki ummakKu ri pa'rasangang le'baka Kupassareang mae ri ke'nanga. Tenamo nalanibi'bu' ammotere' ke'nanga battu anjoreng. INakke, Karaeng Allata'alana ke'nanga anne akkana.”

YEHEZKIEL 39:29

LaKupantamaki RohKu antama ri bansa Israel, siagang tenamo nalanibokoi pole ke'nanga. INakke, Batara Kaminang Tinggia, anne akkana.”

YESAYA 52:12

Tena nula'lampa karo-karo, siagang tena nusangkamma tau laria. Saba' laNarurungangko Batara; laNajagaiko Allata'alana Israel battu ri tammulilinu.

YESAYA 31:5

Rapang sikayu jangang-jangang takkape'-kape' ka'nyi'na irate ri rumunna untu' anjagai ana'-ana'na, kamma tomminjo iNakke, Batara Kaminang Makoasaya, laKujagai siagang laKuallei kammayatompa Kupasalama' Yerusalem.”

PAMMUJI 72:4

Poro naalleangangi karaenga ha'na ra'ya' ca'dia, natulung tu kasi-asia siagang natumpasa' sikamma tau anjallakkangiai ke'nanga.

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

KALAPPASSANG 3:9

Kulangngere'mi karru'na bansa Israel, siagang Kucini' tommi antekamma batena nijallakkang ri bansa Mesir.

PAPPICINI' 20:9

Ta'bage-bagemi ke'nanga a'la'bang mae ri sikontu linoa, nampa nakurung pammantanganna Umma'Na Allata'ala siagang kota Nakamaseanga Allata'ala. Mingka naummi pepeka battu ri langika nampa naancu'-ancuru' ke'nanga.

LAMPA-LAMPANA 7:34

Kucini'mi siagang Kuparhatikammi antekamma pa'risi'na katallassanna ummakKu ri Mesir. Kulangngere'mi kunrarenna ke'nanga, naKunaummo ero' allappassangi ke'nanga. Kamma-kamma anne, mae mako! LaKusuroko ammotere' mange ri Mesir.’

ZAKHARIA 14:11

Laamangi ammantang sikamma tau ammantanga ri anjo kotaya, tena bahaya kapanrakang lantujui.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

YEREMIA 46:13

Ri wattunna Nebukadnezar karaeng Babel battui ambunduki Mesir, a'bicarai Batara ri nakke, nakana,

YEREMIA 46:2

appakkaramula siagang Mesir. Napauanga' ri passala'na tantarana Nekho karaeng Mesir, nibetaya ri Karkemis ri ampi'na Binanga Efrat ri Nebukadnezar karaeng Babel lalang taung makaappa' pamarentahanna Yoyakim, karaeng Yehuda. Iaminne Napaua Batara ri sesena anjo passalaka,

YESAYA 26:1

Anjo wattua lanakelongangi taua anne kelonga ri butta Yehuda: “Tamaka kassa'na kotata; KalenNa Allata'ala ambangungi pattahanganNa, anrinni lasalamakki'.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

2 KARAENG-KARAENG 24:1

Ri wattu ammarentana Karaeng Yoyakim, nia'mi battu Nebukadnezar Karaeng Babel ambunduki siagang ambetai tu Yehuda. Tallun taung sallona Yoyakim tundu' mae ri Nebukadnezar, mingka ri bokoanna angngewami.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

ZAKHARIA 9:7

Talangnganreami ke'nanga dageng acceraka ija siagang kanre maraengang nipappisangkanga. Sikontu tau tassesaya la'jari ummakKu siagang nipasangkammai salaku bageang battu ri suku Yehuda. Ekron la'jari anggota ummakKu, sangkamma tu Yebus ri jammang riolo.

2 KARAENG-KARAENG 19:34

LaKualleangi siagang laKula'langi kota Yerusalem lanri kala'birangKu siagang lanri parjanjiangKu siagang atangKu Daud.’ ”

PANGNGEBARANG 3:25

Tena nuparallu malla' ri bala ti'ring battua sanrapang anging lompo, antujui tau ja'dalaka.

ZAKHARIA 12:4

Anjo alloa laKupa'jari lingu ngasengi jaranga siagang pabaena Kupa'jari pongoroki; laKujagai pandudu'na Yehuda, mingka Kupa'jari butai sikontu jaranna musunna.