ZAKHARIA 9:3 - KITTA' MATANGKASA'

³ Le'ba'mi Tirus ambangung benteng-benteng untu' kalenna siagang appatambung tamaka jaina bulaeng siagang pera' sa'genna a'jari sangkammami barang biasa sangkamma kassi' siagang butta peoka ri aganga.

ZAKHARIA 9:3 Referans Kwoze

YEHEZKIEL 27:33

Ri wattunna nusombali tamparang lompoa siagang lurang tarraka bonena, nupirassi sikamma paralluna bansa-bansaya; sikamma karaenga nupa'jari kalumanynyang ngaseng.

AYUB 27:16

Akkullei attambung-tambung pera'na siagang assusung-susung pakeanna,

2 SAMUEL 24:7

Battu anjorengi ke'nanga nampa a'lampa timboro' mange ri Tirus iamintu kota niaka pattahanganna. Situlusu'na a'lampami pole ke'nanga mange ri sikontu kotana tu Hewi siagang tu Kanaan, nampa kala'busanna mange ri Bersyeba, bageang timboranna Yehuda.

YOSUA 19:29

Battu anjoreng, a'lekkoi anjo garisi' pa'baeng-baenga mange ri Rama tulusu' sa'genna mange ri kota Tirus, iamintu se're kota nikallika siagang tembo'; nampa a'lekko pole anjo garisi' pa'baeng-baenga mange ri Hosa nampa kala'busang ri Tamparang Tangngaya. Antamaya ri anjo pa'baeng-baenga iamintu Mahalab, Akhzib,

YESAYA 23:8

Sai sikamma padangganna sangnging bija karaeng kaminang nipakalompoa ri lino? Inaika angngalle kaputusang untu' antu'gurangi Tirus, anne kota kaminang koasaya?

AYUB 22:24

Pela'mi bulaennu kaminang ti'noka; pasambilai antama' ri binanga tenayamo je'ne'na.

1 KARAENG-KARAENG 10:27

Lalang jammang pamarentahanna Salomo, ri Yerusalem anjo peraka sangkammaji barang-barang biasa sangkamma batua. Siagang kayu camara Libanon alla'bi-la'bi jaina sangkamma kayu ara biasaya.

1 KARAENG-KARAENG 10:21

Yangasenna pakkakasa' pangnginunganna Salomo sangnging bulaeng nipare', kammayatompa sikontu pakkakasa' ri Kamara' Romang Libanon, sangnging bulaeng ti'no' todong nipare'. Tena nania' nipare' battu ri pera', nasaba' ri jammanna Salomo tena anggaranna peraka.

YESAYA 23:11

Naangka'mi Batara limanNa irateanna tamparanga siagang Nagulummi sikamma kakaraenganga. Assaremi parenta sollanna niancuru' sikamma benteng pattahanganna Funisia.

YEHEZKIEL 26:12

Anjo musu-musunnu lanarampasaki sikontu kakalumanynyangngannu siagang barang-barang danggangngannu. Lanaruntungi tembo'-tembo'nu siagang lanarumbangi sikamma balla' ga'ganu. Lanaallei ke'nanga batu-batunna, papang-papanna, siagang buttana, nampa napasambila antama ri tamparanga.

YEHEZKIEL 27:34

Kamma-kamma anne tallang mako, ancuru' rawanganna tamparanga. Kabusu' ana' buanu siagang sikontu luranga sipa'lanynyakkang ikau ri tangngana tamparang.’

AYUB 3:15

Attinroa' sangkamma ana' bura'ne karaeng, amboneai balla'na siagang pera' na bulaeng.

YEHEZKIEL 27:27

Sikontu barang-barang danggangannu nuluranga, sikontu pasombalaka siagang ana' buanu, sikontu tukang kayu siagang padanggannu tunggala' tantara ri anjo kappalaka, lanynya' kabusuki tallang ri wattunnu tallang siagang kappala'nu.

YEHEZKIEL 28:1

Nakana Batara ri nakke,

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.