ZAKHARIA 9:12 - KITTA' MATANGKASA'

¹² Ammotere' mako he sikamma tunipelaka, anne kamma nia'mo panrannuannu. Ammoterekko mange ri tampa' pa'la'langannu, iNakke tuli lambarakkaki ngasengko. Pilangngeri: LaKubarakkakiko a'lappi rua lanri sikontu kasessang le'baka nukasia'.

ZAKHARIA 9:12 Referans Kwoze

AYUB 42:10

Nampa, ri le'ba'namo Ayub appala' doang untu' anjo tallua aganna, nipa'jari kalumanynyammi ammotere' ri Batara; a'lappi ruami kakalumanynyanganna na rioloa.

YESAYA 61:7

Lanri le'ba' mako nipakasiri' a'lappi tallu, siagang ra'masaka kammayatompa tunaya a'jari bageannu, na nunggappamo warisi' a'lappi rua ri pa'rasangannu, na nupatang karannuang mannannunganga.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

YEREMIA 51:10

Nakana umma'Na Batara, “Napappicinikammi Batara angkana niakki' ri katojenganga. Umba ki'lampa mange ri Yerusalem nampa nicarita anjoreng apa le'baka Nagaukang Karaeng Allata'alata.”

YEREMIA 31:17

Nia' panrannuang mae ri kau ri allo labattua; ana'-ana'nu lammotereki mange ri pa'rasanganna.

NAHUM 1:7

Anjo Batara bajiki, Najagai umma'Na ri wattu susa, Najagai tau a'la'langa mae ri Ia.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YO"EL 3:16

Ammammuki Batara battu ri Sion, iamintu bulu'Na; battu ri Yerusalem a'gunturu' sa'ranNa. Langika siagang buttaya ta'goccangi napakamma. Mingka tuli laNaalleangngangi siagang Najagai Batara iamintu Israel, umma'Na.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

MIKHA 4:8

Na ikau Yerusalem, tampa'Na Allata'ala anjagai umma'Na rapang pakalawaki anjagai lokoang gimbala'na, la'jariko ammotere' ibukotana kakaraengannu kamma riolo.

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YEREMIA 31:6

Tojeng, lanarapiki sallang wattunna nasikamma pangawala'na kotaya lakkioki ri pa'monconganna Efraim, angkana, ‘Umba kinai' ri Sion, mange ri Karaeng Allata'alata.’ ”

YESAYA 38:18

Tena ampujiKi' lalang lino tau matea, tau matea takkulleai manrannuang ri tamamminraTa.

YESAYA 49:9

Tau nitarungkua Kusuroi assulu'; tau niaka lalang ri sassanga Kuerangi mae ri singaraka. Ba'lalo manna ri bulu' a'gondoloka tena nalakakurangang ke'nanga, ri sikontu oloanna nia' sadia kanre.

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

IBRANI 6:19

Anjo panrannuanta a'jari panna'galang majarre' siagang amang mae ri katallassanta, nasaba', lanri sanna' lantanna nipatto' naung. Pappokokanna niaki lalang Kamara' Kaminang Matangkasaka lalang ri Balla'Na Batara ri suruga.

YESAYA 24:22

Lanipa'rappungangi ke'nanga rapang tau nitahanga lalang ri kali'bong, siagang nipantamaka ri tarungkua sa'genna narapi' wattunna lanihukkung.

YEREMIA 14:8

IKatteji bawang panrannuanna Israel, ampasalamakai ikambe battu ri balaya. Mingka angngapa Kikamma tau maraeng ri pa'rasanganna ikambe, rapang pajappa battu bella poro assengka bawang sipattang nampa a'lampa?

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.